Jeremia 13:25 - KITABU KITAKATIFU

²⁵ Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Jeremia 13:25 Iomraidhean Croise

Ayubu 20:29

Yiki nicho kidieli cha Nyasaye aheezaa avachamu; Yiki nicho kidieli cha Nyasaye yavatovolera.

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Zaburi 9:17

Avachamu valatura kuzia mu kihadisi, yavo avasuuraa Nyasaye valazia vosi mu kihadisi.

Isaya 17:4

Yahova yavoola, “Lidiku liizaa lwa ovonene vwa Isiraeli vulahera, na uvudaka vulavugula vogono vwu vutugi vwavo.

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 34:17

Ni Yahova mwene uligavula kivala hagati ha vandu veve, kandi vuli mundu alakanyoole kedonye chiche. Valakamenya mu kivala yiki kutura ku likula kuduuka kulikula lindi na kilakave chavo mihiga ni mihiga.

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Jeremia 10:14

Mulilora yaga, avandu vafwana avasiru kandi vugira limanyiriza; yavo avalombanga ivifananyi vavikangwa muzisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 2:32

Mukaana musoleri anyala kwivilira viukwisiaha vivie vie zahabu, anoho mukaana osererwa anyala kwivilira inguvu yeeye ye keserero? Navuzwa avandu vange vamali kunzivilira ku madiku manyingi agatavalizwa mba.

Jeremia 3:21

Liyoga lihulirika kutura kuzindongozi zie vigulu: navandu va Isiraeli avalira nokogoonya, kigira vamenya muvwoni kandi vayivilira Yahova Nyasaye wavo.

Ezekieli 23:35

Kalunu yaga nigo ga Yahova Wuvunyali avoora, “Kigira ivi umali kunzivilira kandi kungirung'ana, ulanyora mageri kigira uvudamanu vuvwo kandi uvulaya vwuvwo.”

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Zefania 3:2

Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Matayo 24:51

Alakamuhe amageri kandi alakamusiuvi ichova ma amuviiki mu kidieli kilala harara na vagadi. Halava ni lilira kandi lidiedieyiza amiinu.

Varumi 1:25

Vagirung'anyia agiligali ga Nyasaye kuva vovehi; vasigamira nu kutumikira vindu via Nyasaye yalomba mu vogono vwu Mulombi mwene, udukana kwizominywa mihiga ni mihiga! Amini.