Jeremia 13:23 - KITABU KITAKATIFU

²³ Umundu mumwamu anyala kugirung'anyia ligodo lilie anoho engo inyala kugirung'anyia vodondonye vwayo? Niiva vanyara, maku munyi avakola uvudamanu munyala kwiga kokora agaveeye amalungi.

Jeremia 13:23 Iomraidhean Croise

2 Avami 17:40

Navuzwa avandu yavo sivahulira mba kandi vazizagilira kokora miima jaavo ja kale.

Tsing'ano 27:22

Kali niiva ulakuba mundu musiru kuduuka ave masamba makuzu, si ulatuliza uvusiru muye mba.

Kohelethu 1:15

Siunyala kulungikiza kindu chavedeka, kandi siunyala kuvaliza vindu vitaveeyeho mba.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Jeremia 2:22

Kali niiva mulisinga ni isavuni inyingi ligali, navuzwa uvudamanu vwinyu vulaloleka imbiri wange.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 9:5

Vuli umundu aveheraa mutende weve, kandi siaveeyeho kali mulala ovola agiligali mba; vayiga okovoola vugadi vakoolaa uvudamanu kandi varuha kwiganira.

1 Samweli 19:21

Lwa Saolo yahulira makuva yaga, yatuma vatumwa vandi, navo vatanga koporofeta kandi. Yatuma vatumwa ing'inga yakavaga ni kindu kilala chere chekoleka kuvo.