Jeremia 13:21 - KITABU KITAKATIFU

²¹ Mulakavoole ki lwa avandu va mwaganagana vaveeye avalina vinyu vamuguuta nukukwamiiha? Mulakave muvuzunu kuli vwumukali yenya kwivura.

Jeremia 13:21 Iomraidhean Croise

2 Avami 16:7

Kunangwa Ahazi yatuma avatumwa ku mwami Tigilazi Pileseri wa Asiria navoora, “Inzi mbeeye mutumikiri woovo kandi muyaayi woovo. Hamba yinu ombonyie kutura kuzinguru ziu mwami wa Siria kandi wa Isiraeli avamali kuuza kunzingilira.”

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 13:8

Vosi valava nu uvuti kandi valava nu vuzunu, kuli mukali aveeye mu vuzunu vwililumwa liu mwana. Vuli mundu alahenza wache nuvuti, kandi valava mu zisoni.

Isaya 21:3

Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Jeremia 2:25

Avandu va Isiraeli, mutasaliriza virenge vienyu mba, anoho mutava nuvuha na avanyasaye vandi mba. Navuzwa muvooraa, ‘Awa, si kunyala kwirana inyima mba. Kwayaanza avanyasaye vandi avageni. Kandi kulavasigamira.’ ”

Jeremia 22:23

Mumenyaa mu mirembe mu zinyumba ziumbakwa ni midaragwa kutura Lebanoni; navuzwa mulaverera lwa munyoora vuzunu kuli vwu mukali ulumwaa.

Jeremia 30:6

Kalunu uganaganeku yaga! Musaza anyala kwivura mwana? Kigira ki ndolaa vuli musaza uviiki makono kunda yeeye kuli mukali oveeye mulilumwa lielivula? Kigira ki vuli mundu aveye novoveleli mumoni?

Jeremia 38:22

Mu malola yaga, ndaalora avakali vosi avatigara munyumba yu vwami vwi Ivuyuda nivahilwa ku mwami wa avanene va Babiloni. Huliriza ku agavavoola lwa vaali ni vazizaa: ‘Avalina vu mwami avasuuvirifu vamali kumugada, vamali kumuguuta nu kumwamiiha. Kalunu umali kusikira mu vodohi, avalina veve vamali kumuleka.’ ”

Jeremia 4:30

Avandu va Jerusalemi, mwadiva! Kigira ki mwivika zinguvu zinzakanyu? Kigira ki mwisiaha viukwisiaha viizahabu nukuvaka mu zimoni zienyu? Mwekora munyi aveene kuva avalahi vugira kindu! Avanyasaye vinyu vamusuuri kandi venya kumwita.

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 48:41

amadara kandi zimbinga zilagumilwa. Ku lidiku liene yilio, avasikari va Moabu valatiihizwa kuli umukali oveeye mu lilumwa liumwana.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 6:24

“Kumali kuhulira amakuva amageni,” avandu va Jerusalemi vavoola, “Kandi amakono giitu gavula zinguru; koveeye nuvuzunu vululu kuli mukali oveeye mulilumwa liu mwana.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Matayo 24:8

Ivindu yivi viosi viveeye vuzwa kuli litanga lie lilumwa lia uyu oveeye ni inda.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.