Jeremia 13:16 - KITABU KITAKATIFU

¹⁶ Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Jeremia 13:16 Iomraidhean Croise

Ayubu 3:5

Ulikole live lidiku lie kisundi, kandi liokovereriza, chiriri kimwamu kikunikwi na malesi ligali; kandi uvumwamu vwi kisundi vulitiihizi.

Zaburi 107:10

Avalala ku munyi mwamenyaa mu kisundi kenene kandi mu chiriri chi likuza, mwali avahambe avavofa niminyororo jisalirizaa ligali.

Zaburi 107:14

Yahova yavatuliza mu kisundi kenene kandi mu chiriri chi likuza, kandi nakalanyia minyororo javavohaa.

Zaburi 29:2

Mwizominye lieta lia Yahova liu vukumi, musigamire uyu umutakatifu lwa alolekaa.

Zaburi 44:19

Navuzwa wakoleka hagati hi zinyama ziu mwigendanyama, kandi wakukunika ni chiriri chi likuza.

Kutwula 10:21

Kunangwa Yahova yavolera Musa, “Ginga mukono gugwo mwigulu, ni kisundi kenene chu kutihiza kiduuki kukunika kivala choosi cha Egebeti.”

Tsing'ano 4:19

Inzira ya vachamu, eveeye kisundi kuli vudiku. Vagwiza, navuzwa sivalola ha vikigatiyi mba.

Kohelethu 11:8

Mundu asandizi ku madiku goosi gaveeye mwoyo, navuzwa yizulizi ndi alakakuzi ku mihiga minyingi. Vuli kindu choosi keveeye vuzwa.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Isaya 59:10

Kuhavatizaa yiyi niyiyi ukwenyeleriza lidigi kuli avavoku; kuhavatizaa vuzwa kuli yavo avatali nizimoni. Kwikigatira mbasu hagati kuli koveeye mu vudiku, kuli koveeye mukivala chikisundi cha vakuzu.

Isaya 59:9

Avandu vavoola, likalaga lirungi liveeye ihale ni kunyi; na uvulungi sivoveeye mu kunyi mba. Kwenyelerizaa konyoole uvulavu; navuzwa haveeye kisundi chele; kwenyelerizanga konyoole uvwaku kogenda mu navuzwa kisundi cheng'ine keveeye ho.

Isaya 60:2

Zihiiri zindi zilakunikwa ni kisundi, navuzwa uvulavu vwa Yahova vulang'ereng'ana ku ivi; uvukumi vulang'ereng'ana ku ivi.

Isaya 8:22

anoho kohenza hasi, navuzwa si valalora kindu mba, nitali vudinyu, kisundi chi litihiza kenene ichavahirwa mu.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 2:6

Si vahenda mwoyo kigira inzi mba, kali niiva ndavasoola kutura Egebeti kandi nimbimilira kuvitira mwigendanyama: kivala chumu kandi chu vuhimwa, kivala chumu chu mundu atanyala kuvitira mu mba kandi cha avandu vatanyala komenya mu mba.

Jeremia 23:12

Zinzira ziavalondamu zilava zindelere kandi ziekisundi; inzi ndavakora vichigatiri kandi vagwi. Nziza koleta kivi kuvo; ing'inga yaavo yokohevwa amageri yiza. Inzi, Yahova mali kovora.

Jeremia 4:23

Ndahenza ku lirova naliali mang'anye kandi ndahenza muligulu na vulavu sivwalimu mba.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Jeremia 6:21

Kunangwa ndakora avandu yava visigatiri nu kugwa. Avababa, avana, avalina kandi avatende vosi valakuza.”

Jeremia 8:15

Kwahenzelera kove mu mirembe, navuzwa uvulahi sivwaali ho mba; kandi kwahenzelera kove mu mirembe nilihonywa, navuzwa kwaali mu litihizwa.

Lisyoma lya Jeremia 4:17

Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Ezekieli 21:15

Yaga gakoraa avandu vange kogeeha vuluviliri kandi kwikigatira. Inzi ndihizaa avandu vi lidaala liavo ni kivavi kehemahemaa kuli loheni kandi chetegeki kwita.

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Ezekieli 36:15

Sindavugilira zihiiri zimunyege kandi mba, anoho kumuchaya mba. Sindaleka ihiiri yinyu igwi mba. Inzi Yahova Wuvunyali mali kovora.”

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Amosi 4:13

Nyasaye niyie walomba vigulu ni imbuza. Nyasaye avuuliraa mundu zing'anagani zizie; agirunganyia umbasu kugwa kisundi. Agendaa igulu wi lirova. Lieta lilie liveeye: Yahova Nyasaye Wanyala Viosi!

Amosi 5:18

O, vayaayi, kivi keveeye ku munyi avegombaa liduka lie lidiku lia Yahova! Kigira ki mwenyanga lidiku lia Yahova? Lilakave lidiku lie kisundi vugira uvulavu ku munyi.

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Yohana 12:35

Yeso yavavolera, “Uvulavu vukikiri ni munyi ku ing'inga engekeeke. Gendi lwa mukikiri mu vulavu yivu kunangwa; kisundi kivuli kumunyoola, kigira ogendaa mu kisundi siamanyi wazizaa mba.

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

1 Samweli 6:5

Kuduuka mulombe vifananyi via miihi ginyu kandi vivundu viononyiaa kivala chienyu, kandi kuduuka muhaane luyali ku Nyasaye wa Isiraeli. Hawundi alalekera kuha munyi amageri, avanyasaye vinyu ni kivala chiinyu.