Jeremia 13:14 - KITABU KITAKATIFU

¹⁴ Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 13:14 Iomraidhean Croise

2 Kyetsinyinga 20:23

Liihi lia Amoni na Moabu viikiruka kutulira iliihi lia Edomu kandi nivavadiviza vosi ligali. Lwa vaali ni vakaviita, avasaza va Amoni na Moabu viirana kwikirukana aveene ku vene, na viitana aveene ku vene.

Ayubu 27:22

Imbuza ilamuhunguza vugira kumuvererera, valageliza kuhandalara vaduuki kohona kutura mu vu vudinyu yivu.

Zaburi 2:9

Ulavatanyia nimbimbu yikivia; ulavaduvulanyia mu vidonye kuli inyingu yumulongi.’ ”

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Jeremia 15:5

Yahova avoora, “O, munyi avandu va Jerusalemi, nivwaha ulimuvererera? Kandi nivwaha ulimulirira? Nivwaha ulakave nu vwiyangu kumuteeva kuli muzizagiliraa?

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 16:5

“Utingira muinyumba yavasiomaamu mba. Utaverereraku mundu kali mulala mba. Inzi sindagasiza avandu vange nimirembe anoho kuvamanyia uvuyanzi kandi zimbavasi mba.

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 25:16

Lwa vanwa iwaini yiyi, valayekayeka kuli avahambiku kandi valagota zing'anagani, kigira iliihi liandumaa hagati haavo.”

Jeremia 47:3

Navahuliri muliviti gwi zibarasi, muliviti gwa magare gu vulwani, kandi lihulirika lia magurudumu. Avababa sinavagirung'ane nukwikivuka kigira avana vaavo mba; makono gaavo nagaleme.

Jeremia 48:12

“Kunangwa kalunu ing'inga yiza lwa nandumi avandu kusuundura avandu va Moabu kuli iwaini. Viju vie iwaini vilava vujira iwaini kandi vilatanywa mu vidonye.

Jeremia 6:21

Kunangwa ndakora avandu yava visigatiri nu kugwa. Avababa, avana, avalina kandi avatende vosi valakuza.”

Lisyoma lya Jeremia 2:21

Avasoleri kandi avasaakulu vaagoni avakuzu mu luguchi lwa madaala manene. Avayaayi kandi avakaana vamali kwitwa ni vivavi via vasigu. Ivi wavita mulidiku liilio liu vutima; umali kuvasinza vugira kuvavererera.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 7:3

“Isiraeli, keheri kimali kuduuka ku munyi. Ndava nu vutima ni munyi, kigira nziza kumukalagira ku agamumali kokora. Ndamukalagira kolondekana ku likora lienyu kandi ndamutunga ku miyinzi jinyu josi jukuvihiliriza.

Ezekieli 7:4

Inzi si ndamuleka anoho kumumanyia zimbavasi mba. Nziza kumuha mageri kigira vindu viukuvihiliriza viamumali kokora, kunangwa muduuki kumanya ndi, inzi mbeeye Yahova.”

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Ezekieli 9:5

Kandi ndaahulira Nyasaye navolera vandu vandi, “Mumulonde kuduuka mu lidaala linene, kandi mu mwiti. Mutaleki mundu kali mulala mba; kandi mutavererera mundu kali mulala mba.

Hosea 2:4

Si ndavererera vana veve mba kigira vaveeye avana vumuheyi utaveeye ni zisoni mba.

Zekaria 11:6

Yahova yavoola, “Sindazizagilira kuva ni zimbavasi ku mundu woosi mu kivala mba. Ndaviika vandu vosi mu zinguru zia vamiihi vaavo. Avamihi yavo valaduvaga vandu vu mu kivala, kandi sindakakihonye kutura mu zinguru ziavo mba.”

Matayo 10:21

“Amwavo alazama amwavo weve yiitwi, na baba alazaama umwana weve, na avana valagilunga na kulwaana aviivuli vaavo nu kuviita.

Marko 13:12

Mundu alazaama amwavo weve ukwitwa, kandi baba alazaama umwana weve; na avana valingilira aviivuli vaavo nu kuviita.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

1 Samweli 14:16

Avasaza va Saolo yavika ku vulindi mu kivala cha Benjamini valora vandu va Filisitia nivanyagura yiyi na yiyi mu lidandana.