Jeremia 13:10 - KITABU KITAKATIFU

¹⁰ Avandu vadamanu yava vasuuye kutia inzi. Vamala kuva avahindagirizi kandi avachamu kuli maziambiri, kandi vamala kusigamira nukuyinzilira avanyasaye vandi. Kulwayago valava kuli zimbala yizi zitaveeye zindahi mba.

Jeremia 13:10 Iomraidhean Croise

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Isaya 3:24

Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 11:18

Yahova yangola kumanyiriza lilohiza liu muvwivisu lia avasigu vange valomba kwenya kunzita.

Jeremia 13:7

Kunangwa ndiranayo, kandi ndaanyoora ndi havundu handaali niimbisi, ziali nizioneki kandi siziali zindahi mba.

Jeremia 16:12

Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 20:4

Yahova mwene avooye, ‘Ndakokola ove mutiihizi ku avalina vovo vosi kandi ku ivi mwene, kandi avasigu vaavo valitirwa mu vulwani imbiri woovo. Nziza kuviika avandu vosi vi Ivuyuda mu vwamihi vwu mwami wa Babiloni; alavugula avandu valala avahili mukivala cha Babiloni kuli avahambe na avandu vandi alavita.

Jeremia 22:21

Yahova yamoloma ku munyi ing'inga ya mwali ni mwagasizwa, navuzwa mwasuura kuhuliriza. Mwakora yaga mulimenya lienyu liosi, simwali munyala kutia Yahova mba.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 44:16

“Kunyi kusuuyi kuhulira amakuva ga umali kokovoolera mu lieta lia Yahova.

Jeremia 44:5

Navuzwa munyi si mwahulira mba. Si mwenya koleka vikolwa vienyu vidamanu viukuhaana visiuviliru ku avanyasaye vandi mba.

Jeremia 5:23

Navuzwa vandu munyi! Muveeye ni mioyo midinyu kandi avibaali; mumali kugirung'ana nukuzia halovega kandi muleki inzi.

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Jeremia 8:5

Kigira ki munyi avandu vange mugirung'anaa kutura ku inzi navuzwa simwirana kuinzi mba. Mwahanda ku vifananyi vienyu kandi mwasuura kwirana ku inzi.

Jeremia 9:13

Yahova yativura, “Yaga gamali kokoleka kigira avandu vange valeka amigizu gandaavaha. Sivatia inzi anoho kokora gandavavoolera mba.

Jeremia 9:14

Muvogono yivwo vamali kuva avahindagirizi nukusigamira ivifananyi via Baali kuli avaguuga vaavo vavigiza vakole.

Jeremia 9:6

Yahova avoora vakora uvugadi vuli ing'inga; kigira uvugadi vwavo vasuura kumanyiriza inzi, Yahova avoora.

Livalidza 14:11

Yahova yavolera Musa, “Avandu yava valasura kuduuka ing'inga ki? Valavula kusuvira kuduuka ing'inga ki, kali niiva mali kokora vilolekizu vinyingi hagati haavo?

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!