Jeremia 12:5 - KITABU KITAKATIFU

⁵ Yahova yavoola, “Jeremia, niiva uluha kunyagula na vandu vizimbiru, unyala ndi kunyagula nizibarasi? Niiva siunyala kusingila mukivala kilahi, nunyalizindi mumulitu gwa Jorodani?

Jeremia 12:5 Iomraidhean Croise

1 Kyetsinyinga 12:15

Yava nivo avasaza avambuka mugera gwa Jorodani mu mweli gwu kutanga, lwu mugera gwene yigu gwaali ni gwizuuyi zimbega ziagwo ziosi. Avasaza yava vasalanyia avandu vosi avamenyaa mu mavoona ku lovega lwi Ivugwi nu ku lovega lwi Imadioli.

Zaburi 42:7

Luliva lulangaa luliva. Viguvuli vivio vilulu vimali kungunika nukuvitira ku inzi. Kuli inyanza enene yuvutima, anoho kihilira kihumaa.

Tsing'ano 24:10

Niiva oveeye mudedekere mu ing'inga yu vudinyu, zinguru zizio zilageha ligali

Tsing'ano 3:11

Mwana wange, lwa Yahova ahaanaa miigizu ku ivi ugahulirizi kandi ugavuguri gave kuli lieganihiza.

Jeremia 11:21

Avandu va Anazozi vaali ni lilohiza kunzita. Vambolera ndi, valanzita niiva ndazizagilira koporofeta amakuva ga Yahova.

Jeremia 26:8

kandi lwandaali nindakamara komoloma goosi aga Yahova yaali niyandagi kovora, vangumira nivahanzuka, “Gakuduukiraa witwi kulwayaga!

Jeremia 36:26

Maku umwami yalaga Jerahameeli mwana weve, harara na Senaya mwana wa Abudeeli, vaang'umiri inzi harara na Baruki mung'odi wange. Navuzwa Yahova yaali naakuvisi.

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Joshua 3:15

Kalunu mugera gwa Jorodani gwizuraa ligali zing'inga ziosi zie ligesa. Nonoho lwa vasaalisi vaginga Lisandugu lia malago vaduuka ku mugera gwa Jorodani ni virenge viavo nividiira mu mazi,

1 Petro 4:12

Avalina avayaanze vange, mutagenya ku ligerizwa lilulu lia musaliranga kuvikwa mu muliru, kuli keveeye ikindu ekegeni chekoleka ku munyi mba.