Jeremia 12:14 - KITABU KITAKATIFU

¹⁴ Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 12:14 Iomraidhean Croise

Zaburi 105:15

Vavoola, “Mutasaliriza avatumikiri, vatovole vange mba; mutadiiri ku avaporofeti vange mba.”

Zaburi 106:47

Okohonyie, O, Yahova Nyasaye wiitu, kandi okoleete harara kutura mu zihiiri, kunangwa kuduuki kukusandiza nu kwizominya lieta liilio litakatifu.

Jeremia 2:3

Munyi avandu va Isiraeli mwaali avatovole vange; mwaali kuli amakuyu gange gokogesa. Ku mundu woosi umusaaliriza, ndaleta kivi kandi uvudamanu kuye, Inzi Yahova mali kovora.”

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 48:1

Yaga nigo aga Yahova Wuvunyali, Nyasaye wa Isiraeli yavoola kigira avandu vikivala cha Moabu: “Avandu va Nebo vaveeye mukivi, Lidaala liavo limali kudivizwa! Lidaala lia Kiriazaimu limali kugumirwa, zimbinga zialio zie zinguru zimali kwononywa; kandi avandu valio vamali kuvikwa mu zisoni.

Jeremia 48:47

Navuzwa mu madiku gaaza Yahova alilanyila Moabu uvutugi kandi. Yaga goosi nigo aga Yahova amali kovora ndi, galakoleka ku kivala cha Moabu.

Jeremia 49:1

Yaga nigo aga Yahova yavoola kigira avandu va Amoni: “Avasaza va Isiraeli vaveeye hayi? Avulaho mundu kali mulala unyala kukinga kivala chavo? Kigira ki valeka avandu vasigamira Moleki kuvugura kivala chihiiri ya Gadi nokomenya yo?

Jeremia 49:7

Yaga nigo aga Yahova Wuvunyali yavoola kigira avandu va Edomu: Avandu va Edomu vagotiza likalaga liavo lilahi? Avahaani viziganagani vaavo vanyara kuvavolera chokokola? Vogeri vwavo vwosi vwagota?

Ezekieli 28:25

Yahova Wuvunyali yavoola, “Ndiranyia vandu va Isiraeli kutura mu zihiiri uwandavasaranyia, kandi zihiiri ziosi zilamanya ndi, Inzi mbeeye mutakatifu. Avandu va Isiraeli valamenya mu kivala chavo aveene, kivala chandahana ku mutumikiri wange Yakobo.

Ezekieli 28:26

Valamenya mu kivala yiki mu mirembe. Valakumbake zinyumba kandi valakalimi milimi nukutaga Mizabibu. Ndahaana mageri ku zihiiri ziosi zia vaakolera kehenyahenye, kandi vandu va Isiraeli valakamenye mu mirembe. Maku valakamanye ndi Inzi mbeeye Yahova Nyasaye wavo.”

Ezekieli 36:24

Ndamuvugura kutura mu zihiiri, kandi ndamuvungiza kutura muvivala viosi, nukumuleeta mu kivala chienyu aveene.

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Ezekieli 37:21

Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Hosea 1:11

Avandu va Isiraeli kandi avandu vi Ivuyuda valakahambane harara. Valaketovolere aveene mwimiliri mulala, kandi valazizagilira konyoora uvutugi mu kivala chavo aveene. Yee, Lidiku lia Jezireeli lilava linene ligali!

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Kwidzulitsa 28:63

kandi galava, kuli gayaanziza Yahova kumukolera vulahi mu lizizagilira nokumukola muve avanyingi, kandi ndio galamuyaanziza mu livadiviza kandi mu lileeta kivi kumunyi. Mulatulizwa mu kivala cha muveeye ahimbi kwidikira mu.

Kwidzulitsa 30:3

maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.