Jeremia 12:13 - KITABU KITAKATIFU

¹³ Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Jeremia 12:13 Iomraidhean Croise

Zaburi 78:62

Yavihilira avandu veve, kandi navaleka viitwi navasigu vaavo.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 4:26

Kivala kigunamu chamala kugwa changalangwe madaala gacho goosi gaveeye amang'anye kigira vutima vwa Yahova vululu.

Jeremia 9:5

Vuli umundu aveheraa mutende weve, kandi siaveeyeho kali mulala ovola agiligali mba; vayiga okovoola vugadi vakoolaa uvudamanu kandi varuha kwiganira.

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Kyavalevi 26:16

Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Kyavalevi 26:20

Liyinzira vudinyu lienyu lilava liavuzwa, kigira kivala chienyu sikilaama viukulia kandi mba misaala sijilaama makuyu mba.

Mika 6:15

Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba.

Habakuk 2:13

Zihiiri zia mwaguuta ziveeye ni miyinzi ja vuzwa kandi viosi viavamali kwumbaka visambwa mu lumemo liu muliru. Yahova Wuvunyali umali kokora yaga.

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Haggai 1:9

“Mwasuuvira mulanyola ligesa linyingi, navuzwa mwanyoola ligesa likekeeke. Lwa mwaleeta yengo via mwagesa, ndaviononya. Ndakora ndio kigira Litembeli liange liveeye amang'anye, na vuli mundu ku munyi ayinziraa vudinyu ku inyumba yeeye.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Kwidzulitsa 28:38

“Mulamiiza vuguza vunyingi mu milimi, navuzwa mulava niligesa likekeeke kigira zisigi zilalia vitagwa vienyu.