Jeremia 12:12 - KITABU KITAKATIFU

¹² Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 12:12 Iomraidhean Croise

Isaya 34:6

Kivavi chiche kilakave na masahi nizitinya, kuli amasahi ga magondi nizimbuli zie visiuviliru. Yahova alahaana kisiuviriru yiki mu lidaala linene lia Bozira. Alakole liitwa yili kuva linene mukivala cha Edomu.

Isaya 57:21

Sihali ni mirembe ku avoni mba.” Nyasaye wange avoora.

Jeremia 15:2

Lwa vakoteeva wavanyala kuzia, uvavoolere ndi inzi malikovoola: Valala kuvo valakuza kigira vulwaye, wene yeyo niyio wavalizia! Avandi valakuzira muvulwani wene yeyo niyio wavalizia! Avandi valakuza kigira inzara! Na avandi valahirwa kuli avahambe wene yeyo niyio wavalizia!

Jeremia 16:5

“Utingira muinyumba yavasiomaamu mba. Utaverereraku mundu kali mulala mba. Inzi sindagasiza avandu vange nimirembe anoho kuvamanyia uvuyanzi kandi zimbavasi mba.

Jeremia 25:11

Kivala yiki choosi kilatigala amang'anye kilava kindu chokogenyia; zihiiri yizi ziratumikira mwami wa Babiloni ku mihiga 70.

Jeremia 3:2

Henza kuzindongozi zivigulu. Haveeye kuho nahavundu handi hamukikiri kuva avasuuvirifu? Mulindiliraa avayaanze kunzira kuli Muharabu alindiliraa avasigu muchangalangwe. Mumali kwononyia kivala nukuvula kuva avasuuvirifu.

Jeremia 3:21

Liyoga lihulirika kutura kuzindongozi zie vigulu: navandu va Isiraeli avalira nokogoonya, kigira vamenya muvwoni kandi vayivilira Yahova Nyasaye wavo.

Jeremia 30:5

“Inzi ndaahulira lilira liukutihiza, lilira liuvuti kandi litaveeye liemirembe.

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Jeremia 4:27

Yahova umali kovora ndi, lirova liosi lilava ligendanyama, navuzwa sialalidiviza ligali mba.

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 47:6

Munyi mwaniri, ‘Kivavi cha Yahova! Mulazizagilira kwiita kuduuka ing'inga ki? Mwirane muchura chiinyu mumenye mu ma musoose!’

Jeremia 48:2

Lizominywa lia vandu va Moabu si liveeye ho kandi mba. Avasigu vamali kugumira lidaala lia Heshiboni, kandi valohizi mu vwivisu kudiviza ihiiri ya Moabu. Lidaala lia Madimeni lilachiring'anywa; amahi galazia kulilwana ni kivavi.

Jeremia 8:15

Kwahenzelera kove mu mirembe, navuzwa uvulahi sivwaali ho mba; kandi kwahenzelera kove mu mirembe nilihonywa, navuzwa kwaali mu litihizwa.

Lisyoma lya Jeremia 3:17

Inzi kumali kwimwa murembe; inzi kumali kwivilira chuvusangari voveeye.

Ezekieli 14:17

“Anoho niiva ndaleta iliihi ku kivala yiki nukutuma iviugi viu kudiviza vandu, harara ni zinyama,

Ezekieli 21:28

“Mwana wu Mundu, oporofete. Ulandizi aga Inzi, Yahova Wuvunyali, mbolera avandu va Amoni avanyegaa vandu va Isiraeli. Uvavoolere: ‘Kivavi chetegeki kwita; kishagaliywi, kehemahemaa kuli loheni.

Ezekieli 21:4

Kigira nziza kwita avalahi navadamanu, ndatuliza kivavi change mu chura nu kwita vuli mundu kutura Isavaalu kuduuka Ivaale.

Ezekieli 21:8

Yahova yambolera,

Ezekieli 21:9

“Mwana wu Mundu, oporofete. Ovoolere avandu aga Inzi, Yahova mboraa, Kivavi, kivavi kimali kushagalwa kandi kehemahemaa.

Ezekieli 5:2

Lwi likumberiza lie lidaala lihera, uvuguli kedonye chukutanga ma ukisambiri hagati hi lidaala zana yili. Uvuguli kedonye chakaviri okikalanyie ni kivavi lwa ovodongana ichova wi Lidaala yili. Usalanyie kedonye cha kavaga kunangwa imbuza iduuki kukiduminya, na ndakelondelera ni kivavi change.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Amosi 9:4

Kali niiva avasigu valavavugula mu kuva mu vuhambe ndalaga viitwi. Mali kotovola kudiviza ligali nu kuvula kuvakonya.”

Zefania 2:12

Yahova alakiti avandu va Ezopia ni kivavi.

Kwidzulitsa 32:42

Imivano jange juvuta jilatonyatonya amasahi gaavo, kandi kivavi change kilaviita vosi avahing'anaa niinzi Sindaleka mundu kali mulala kuva mwoyo ulwaana niinzi; kali vandu avizing'oma na vahambe valakuza!’

Likunula 6:4

Ibarasi yindi yatura ichova, ibarasi inzakanyu. Muhiri wayo yahevwa uvunyali koleta uvulwani mu lirova avandu vaduuki kwitana aveene na vene. Yahevwa kivavi ekenene ligali.