Jeremia 12:1 - KITABU KITAKATIFU

¹ “O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 12:1 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Ayubu 13:3

Navuzwa inzi ndakayanzi kovolerana na Nyasaye Wuvunyali, kandi ndakayanzi kuhaana vivuni viange kuye.

Ayubu 24:12

Likenya lia avandu vakuza lihulirika kutura mu lidaala linene, linene, kandi avatumitiywi vanira vokonyi navuzwa Nyasaye siahulirizaa lisaala liavo mba.

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Ayubu 8:17

Imiri jacho jierizanyia ku magina, kandi jigumira vudinyu ku magina.

Zaburi 116:5

Yahova aveeye wizimbavasi kandi umulahi. Nyasaye wiitu aveeye wilivererera.

Zaburi 119:137

O, Yahova, ivi oveeye mulungi, kandi likalaga lia malago googo liveeye lirungi.

Zaburi 119:75

O, Yahova, inzi manya vulahi ndi likalaga liilio liveeye lirungi, kandi wamba amageri kigira oveeye musuuvirifu.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 37:1

Utahenda mwoyo kigira yavo avakolaa uvudamanu mba; anoho utakendekera yavo avakolaa uvudamanu mba.

Zaburi 37:35

Ing'inga indala ndaamanya mundu mudamanu, wi kilage kandi mululu ligali, yagumala kuli mudaragwa gwa Lebanoni ugwali mu marova amagunamu.

Zaburi 51:4

Inzi mali kukwonera ivi - ivi weng'ine. Inzi mali kokora agaveeye madamanu imbiri woovo kunangwa ivi oveeye vulungi mu likalagira inzi. Ivi ungalagira nuvulungi lwa ombezaa mageri.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Zaburi 92:7

Umuchamu anyala kuviruka kuli indiva, yavo avakolaa uvudamanu vanyara komedeka ku miandu; navuzwa valadivizwa ligali mihiga ni mihiga.

Tsing'ano 1:32

Avandu vasiru vakuza kigira vasuura ovogeri, na vayingu vadivaa kigira liesuuviriza liavo.

Kohelethu 8:14

Keveeho ni kindu kindi keveeye vuzwa mu kivala. Ing'inga yindi mundu mulungi anyoora mageri gu mundu muchamu, kandi mundu muchamu anyoora madanyi gu mundu mulungi adukanaa anyoore. Yaga kandi gaveeye vuzwa.

Isaya 41:21

Yahova, mwami wa avandu va Isiraeli avoora ndi; “Munyi avanyasaye vi zihiiri, muvoore amakuva ginyu. Kandi muhaane vivuni vilahi via makuva ginyu.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Jeremia 11:20

Maku ndaasaara nembora, “Yahova Wuvunyali, ivi oveeye mukalagi mulungi; kandi ogerizaa mioyo ja avandu kandi zing'anagani ziavo. Inzi mali kuviika makuva gange ku ivi. Ndakayanzi kokolola nuvanzaa kisaalia ku avasigu vange.”

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Jeremia 3:20

Navuzwa kuli mukali utaveeye musuuvirifu, simuveeye avasuuvirifu ku inzi mba. Inzi Yahova mali kovora.”

Jeremia 3:7

Ndaaganaganyia ndi namali kokora yaga goosi alirana kuinzi, navuzwa siyirana mba kandi amwavo weve Yuda utaveeye musuuvirifu yalora goosi.

Jeremia 32:16

Inyima wa ndaali nindaakahaana zibarwa zie ligulana mulimi ku Baruki mwana wa Neria, ndaasaara ku Yahova nimbora,

Jeremia 5:11

Avandu va Isiraeli na Ivuyuda si vaveeye avasuuvirifu ku inzi mba. Inzi Yahova mali kovora.”

Jeremia 9:2

Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Ezekieli 18:25

“Navuzwa munyi muvooraa, ‘Likora lia Yahova si liveeye lirungi mba.’ Mumbulirizi kalunu, munyi avandu va Isiraeli. Muganaganaa likora liange si liveeye lirungi? Likora lienyu nilio litaveeye lirungi.

Danyeli 9:14

O, Yahova Nyasaye wiitu ivi wetegeka kuhaana mageri ku kunyi, kandi wakola ndio kigira ivi okolaa agaveeye malungi kazozo, navuzwa kunyi si kwahulira mba.

Danyeli 9:7

Ivi, Yahova, zing'inga ziosi okolaa agaveeye malungi, navuzwa kunyi kweletera zisoni zing'inga ziosi. Yaga gaveeye agiligali kukunyi vosi avamenyi mu kivala chi Ivuyuda kandi mu lidaala lia Jerusalemi kandi avandu vosi va Isiraeli vawasalanya muvivala via himbi ni ihale kigira sivali avasuuvirifu ku ivi mba.

Hosea 6:7

“Navuzwa ha Adamu vaavunaga lilaga liange, ahene yayo vavura kuva vasuuvirifu kuinze.

Habakuk 1:4

Malago sigaveeye ni zinguru mba, kandi gaveeye vuzwa, vulungi sivokolwaa mba. Avandu vadamanu vanyoola vindu vilahi via vandu valungi, kandi vulungi vuchaminywaa.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Malaki 3:15

Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.