Jeremia 11:7 - KITABU KITAKATIFU

⁷ Lwa ndaaleeta avaguuga vaavo kutura mukivala cha Egebeti, ndaaviganihiza vatie inzi. Ndaazizagilira ku viganihiza kali kuduuka na kalunu.

Jeremia 11:7 Iomraidhean Croise

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

2 Kyetsinyinga 36:15

Yahova Nyasaye wa vaguuga vaavo yaazizagilira kutuma avaporofeti ukwiganihiza avandu veve kigira yenya kuvahonyia kandi kosoola Litembeli lilie.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Jeremia 11:4

Ni lilagana lia ndalomba na avaguuga vaavo lwa ndaatuliza kutura mukivala cha Egebeti; kivala chaali kuli kisambiru chi vivia kuvo. Ndaavavoolera vatie inzi kandi vakole vuli kindu cha ndaavalaga. Ndavavolera ndi, niiva valatia inzi, valava avandu vange, na inzi ndava Nyasaye wavo.

Jeremia 25:3

“Ku mihiga 23, kutura ku muhiga gwa 13 lwa Josia mwana wa Amoni yaali mwami wi Ivuyuda kuduuka ing'inga yiyi, Yahova umali kumoloma ku inzi, na inzi ndaamuvolera goosi agayaambolera. Navuzwa munyi si mwahulira mba.

Jeremia 25:4

Kali niiva Yahova yaazizagilira kutuma ku mwinyi avatumikiri veve avaporofeti, navuzwa si mwenya kuhuliriza mba.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 34:14

Vuli mihiga saba valavoholora mutugwa woosi Muheburaina uwatumika ku mihiga sita. Navuzwa avaguuga vinyu sivategiza amatu nukuhulira agandaavola mba.

Jeremia 35:14

Ivisukulurwi via Jonadabu vamali kutia malago geege kuvula kunwa iwaini, kandi kuduuka na lero avulaho umundu kali mulala unwezaa iwaini mba. Navuzwa inzi nzizagilira komoloma ku munyi na simutizaa inze mba.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 30:20

Muyanze Yahova Nyasaye winyu, mumuhuliri kandi muve avasuuvirifu kuye maku munyi harara ni visukululwi vienyu mulamenya madiku manyingi mu kivala cha yasuuviriza avaguuga vinyu, Aburahamu, Isaka na Yakobo.”

Kwidzulitsa 4:6

Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 8:6

Kunangwa, mulindi malago ga Yahova Nyasaye winyu, kandi mumenye kolondekana na malago geege.

2 Vatesalonike 3:12

Ku lieta liu Mwami Yeso Kristo, kulaga avandu yava kandi kuviganihiza vamenye liiva liveeye lilahi kandi vaduuki kuyinzira vudinyu kwenyolera viukulia viavo aveene.

1 Samweli 8:9

Kulwa yaga, uvahulirize, navuzwa uviganihiza ligali ma uvivaaliri kuli avami vaavo vaza vavakolere.”