Jeremia 11:22 - KITABU KITAKATIFU

²² Kunangwa Yahova Wuvunyali yambolera, “Inzi ndavaha amageri! Avayaayi vaavo avasoleri valitirwa mu muvulwani, avana vaavo valakuza kigira inzara.

Jeremia 11:22 Iomraidhean Croise

2 Kyetsinyinga 36:17

Kunangwa Yahova yaleeta mwami wa Babiloni kuvingilira. Mwami zana yita avayaayi vi Ivuyuda, kali yavo avaari mu Litembeli lia Yahova. Si yaali niliverera ku mundu woosi, muyaayi anoho musakulu, musaza kinga mukali, mulwaye anoho mulamu mba. Nyasaye yavahana vosi kuye.

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 44:13

Ndahaana amageri ku vandu avamenyi mukivala cha Egebeti, kuli ndahaana amageri ku avandu va Jerusalemi ni liihi, inzara kandi uvulwaye.

Jeremia 49:26

Ku lidiku yilio avayaayi vasoleri valio navitirwi muzinzira zie lidaala, kandi vasikari valio vosi valadivizwa.

Jeremia 9:21

Likuza liayingira kuvitira mumadirisia kandi liziiyi muzinyumba zietu ziuvwami; liiti avana kuzinzira, kandi avasaza vasoleri liviti.

Lisyoma lya Jeremia 2:21

Avasoleri kandi avasaakulu vaagoni avakuzu mu luguchi lwa madaala manene. Avayaayi kandi avakaana vamali kwitwa ni vivavi via vasigu. Ivi wavita mulidiku liilio liu vutima; umali kuvasinza vugira kuvavererera.

Amosi 4:10

“Ndaatuma vulwaye vudamanu ku munyi, kuli iyandaatuma ku vandu va Egebeti. Ndiita vayaayi vasoleri vinyu mu vulwani, nukuvugula zibarasi zienyu. Ndaaleeta lifunya lidamanu mu amuulu ginyu navuzwa simwirana ku inzi mba.