Jeremia 11:17 - KITABU KITAKATIFU

¹⁷ “Inzi Yahova Nyasaye Wuvunyali, ndaasimika avandu va Isiraeli kandi Ivuyuda kuli misaala, navuzwa kalunu ndavatiihiza ku lileta ikivi kuvo. Vamali kweletera yaga aveene, kigira vamali kokora vudamanu ligali; vamali kokora inze kuva nu vutima ku lihaana visiuviliru ku Baali.”

Jeremia 11:17 Iomraidhean Croise

2 Samweli 7:10

Mali kotovola havundu kigira avandu vange Isiraeli, kandi mali kuvaviikaho, na valamenya havundu yaho, vugira kudambizwa kandi. Vasaza vu vutindi vavuli kuvatulira kandi, kuli vaakora ku maziambiri;

2 Kyetsinyinga 28:25

Mu vuli lidaala linene kandi vuli tudaala mu Ivuyuda, yumbaka havundu hukusigamira misambwa, ahi kimuli kidukanaa kisambirwi ku vanyasaye vandi. Munzira yiyi yeletera kuye mwene uvutima vululu vwa Yahova, Nyasaye wa vaguuga veve.

Zaburi 44:2

Wakunga zihiiri ni zinguru ziu mukono gugwo. Maku wavika avandu vovo mu kivala chavo; kandi wahaana amageri ku zihiiri zindi kandi wahaana ku vandu vovo linyola lie miandu minyingi.

Zaburi 80:15

Hamba kohonyie, avandu vovo avuwaviika mu kivala yiki, kandi uvakole kuva ihiiri yi zinguru ligali.

Zaburi 80:8

Ivi waleeta avandu vovo avaveeye kuli muzabibu kutura Egebeti; wakunga zihiiri zindi ziosi ziamenya mu kivala cha Kanaani. Kandi waleka avandu vovo ni vavugura kivala yiki.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 1:14

Hene yaho, Yahova yambolera, “Kivi kutura Ivaale kiladuuka ku avandu vosi avamenyi mukivala yiki,

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 12:2

Ivi wavasimika kuli musaala navahira imiri; vaviruka kandi vaama amakuyu. Vuli ing'inga vamoloma vulahi kigira ivi, navuzwa sivakohendera mwoyo mba.

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 18:8

navuzwa ihiiri yeyo igirung'ane kutura kuvudamanu vwayo, inzi sindakola agandavoola ndakakole mba.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Jeremia 24:6

Ndavalinda kandi ndavilanyia mukivala yiki. Ndavumbaka na si ndavasambula kandi mba. Ndavakora vasingiri vudinyu kuli misaala jitanyala kwifwa mba.

Jeremia 26:13

Gamuduukira mugirung'anyie liamumenya liinyu kandi nivindu viamukoraa, kandi kuduuka mutie Yahova Nyasaye winyu. Niiva mwahulira, alagirung'anyia zing'anagani zizie ziukumudiviza kuli yavoola alakola.

Jeremia 26:19

Mwami Hezekia navandu vi Ivuyuda siviita Mika mba. Navuzwa, Hezekia yaaha Yahova luyali kandi nageriza koyeeka kuliyaanzilira lilie. Maku Yahova yagirung'anyia zing'anagani zizie kigira kivi chayaali navooye alaleeta kuvo. Kalunu koveeye ahimbi koleta kivi chilitiihiza kukunyi aveene.”

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Jeremia 32:30

Avandu va Isiraeli kandi avandu vi Ivuyuda vamali kokora uvudamanu imbiri wange kutura mu vosooleri vwavo. Avandu va Isiraeli vamali kumbihiliriza kumiyinzi jaavo.

Jeremia 35:17

Kunangwa kalunu, Inzi, Yahova Wuvunyali, Nyasaye wa Isiraeli, ndaleta ku munyi avandu vi Ivuyuda na Jerusalemi lidiviza liosi liandalaga. Ndakora yaga kigira simuhuliyi lwa molomi ku munyi, kandi simwali munyala kuhaana mativuli lwa ndaamulanga mba.”

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Jeremia 40:2

Munene wi liihi yambika halovega nambolera, “Yahova Nyasaye woovo yavoola alaleeta uvuti vwi lidiviza,

Jeremia 40:3

kunangwa kalunu umali kokora agayavoola naakole. Yaga goosi gaakolwa kigira avandu vovo vakora uvwoni ku Yahova kandi nivavula kumutia.

Jeremia 42:10

‘Niiva mulazizagilira komenya mukivala yiki, hene yaho, ndamunenehiza kandi si ndamugehiza mba; ndamuhonyia kandi si ndamudiviza mba. Lidiviza lia ndaaleeta kumunyi limali kongola kuva novovereri vonene ligali.

Jeremia 44:5

Navuzwa munyi si mwahulira mba. Si mwenya koleka vikolwa vienyu vidamanu viukuhaana visiuviliru ku avanyasaye vandi mba.

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 45:4

“Navuzwa inzi, Yahova, ndasambura ichamali kwumbaka kandi ndiha chamali kutaga. Inzi ndakora yaga ku kivala choosi.

Jeremia 7:18

Avana vatenya iziingu, na avasaza valomba umuliru na avakali vaduvula uvusie vaduuki kolombera munyasaye wi kikali migadi - ulangangwa ‘Mwami wi kikali wu mwigulu.’ Kandi vahaana vihaanwa vie iwaini ku avanyasaye vandi, kunangwa vaduuki kusinyikiza.

Jeremia 7:9

Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Ezekieli 17:5

Maku yavugula kitagwa kedoto kutura mu kivala cha Isiraeli ma nikitaga mu malova magunamu, havundu ha mazi gaali kazozo kokelomba kiviruki. Yaagusimika kuli musaala gwa matu.

Hosea 10:1

Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.