Jeremia 11:16 - KITABU KITAKATIFU

¹⁶ Maziambiri ndaavalanga Muzeituni gwa amatu amavisi kandi ugwa makuyu amalahi, navuzwa kalunu, harara ni liatuluruka kuli lie inguba, ndahambiza umuliru mu amatu gagwo kandi ndavunanyia zisia ziagwo.

Jeremia 11:16 Iomraidhean Croise

Ayubu 8:16

“Mundu uyu aveeye kuli kitagwa kisamiywi amazi mu muvasu, ma kihiraa miri jacho mu malova.

Zaburi 52:8

Navuzwa inzi mbeeye kuli Muzeituni gomeraa mu Litembeli lia Nyasaye; inzi suuviraa mu zimbavasi ziu vuyanzi vwivwe mihiga ni mihiga.

Zaburi 80:16

Avasigu viitu vamali kwononyia kizabibu, kandi vahambizi muliru kucho; nokoketemaga ligali haana amageri kuvo, kandi uvadivizi ligali.

Zaburi 80:17

Yaanza osoore avandu vovo avuwamala kotovola, ihiiri ya walomba kuva yizingulu ligali.

Zaburi 83:2

Henza! Avasigu vovo vakora liebaala, kandi yavo avakudunyiraa vamali kokokolera kivihiri.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Hosea 14:6

Valalanda kuli zisia ziu musaala, kandi valava valahi ligali kuli misaala ja muzeituni. Valava ni lifunya liu mwayu mulahi ligali kuli midaragwa ja Lebanoni.

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Kwidzulitsa 28:40

Mulava na mizeituni havundu hoosi mu kivala chienyu, navuzwa simulivaka maguta gajo kali hakuzu mba, kigira makuyu gajo galavunguluka.

Likunula 11:4

Yava vaveeye imisaala giviri ja mizeituni, kandi vinara viviri vie zitaya, visingira imbiri wu Mwami wi lirova.