Jeremia 10:7 - KITABU KITAKATIFU

⁷ Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Jeremia 10:7 Iomraidhean Croise

2 Avami 17:39

Mulahulira inzi, Yahova Nyasaye winyu, na ndamuhonyia kutura ku vasigu vinyu.”

1 Kyetsinyinga 16:25

Yahova aveeye munene, kandi yizominywe ligali. Ahevwe luyali ligali kuvita avanyasaye vandi vosi.

Esther 1:13

Gwaali umwima gwu mwami okoteeva zing'anagani zindukiru icha anyala kokora kolondekana na mateeva kolovega lwa malago, kunangwa yalanga vahaani vi zing'anagani ku makuva yaga.

Zaburi 147:5

Yahova wiitu aveeye munene kandi wizingulu; ovogeri vwivwe sivunyala kogerwa mba.

Zaburi 22:28

Yahova aveeye mwami, kandi yamiha zihiiri.

Zaburi 47:3

Yahaana liguuta ku vandu vosi. Yakokola kwamiihi ku zihiiri ziosi,

Zaburi 72:11

Avami vosi valinama imbiri weve; zihiiri ziosi zilamutumikira.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Kutwula 8:10

Mwami yativura navoora, “Ulasalira mugamba.” Musa yavoola, “Inzi ndakokolera kuli oteevi, na ulamanya ndi sihaveeyeho na nyasaye wundi oveeye kuli Yahova, Nyasaye wiitu mba.

Kutwula 9:14

Ing'inga yiyi sindaleeta amaduywa ku vatumikiri vovo kandi ku avandu vovo venyine mba, navuzwa ndahaana mageri kali ku ivi mwene, kunangwa uduuki kumanya ndi sihaveeye ho nu wundi kuli inzi mu lirova liosi mba.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Jeremia 10:6

O, Yahova, siaveeyeho nu mulala kuli ivi, ivi oveeye wizingulu kandi lieta liilio liveeye linene kandi liezingulu ligali.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Danyeli 2:27

Danieli yativura navoora, “Mwami sihaveeye ho nu mulogi, mukumu, muvuuli anoho avageri vi zing'ereng'ani vanyara kokovoolera yaga mba.

Danyeli 2:28

Navuzwa aveeye ho na Nyasaye wu Mwigulu, uvula viokogenyia viaviswa. Akovoleraa O, mwami wiitu agazizaa kwekoleka mu madiku gaaza. Kalunu ndakovolera maloto googo, amalola ga walola lwa waali nogonaa.

Habakuk 3:2

O, Yahova, inzi mali kuhulira ga umali kokora, kandi mbeeye nu vuti vunyingi vwi vikolwa vivio. Kola ndio kalunu mu ing'inga yitu vikolwa vinene viawakolaa. Okoveere zimbavasi, kali lwa oveeye nu vutima.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

Joshua 4:24

Kigira yaga, vandu vosi ku lirova valamanya kuli ovonene uwe zinguru zia Yahova ziveeye namunyi mulahaana uluyali ku Yahova Nyasaye winyu mihiga ni mihiga.”

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”