Jeremia 10:3 - KITABU KITAKATIFU

³ Idini ya avandu yava eveeye yavuzwa. Musaala gotemwa mumulitu; guvazaangwa niviugi viumuva,

Jeremia 10:3 Iomraidhean Croise

Zaburi 115:4

Avanyasaye vaavo valombwa ku ifeza ni zahabu, valombwa na makono gavandu.

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 2:5

Yahova avoora: “Vudamanu ki vwa avaguuga vinyu vanyoola ku inzi? Ni kindiki chavakola ni vagirung'ana kutura ku inzi? Vaasigamira vifananyi viavuzwa, kandi navo vaagwa avandu vataveeye novokonyi.

Kyavalevi 18:30

Yahova yavoola; “Mulonde malago gamuhezaa na mutalonda vikolwa via avandu avamenyaa mu kivala yicho imbiri winyu mba. Muteyonogonyi munyi vene mu likora kilala ku vindu yivi mba. Inzi mbeeye Yahova, Nyasaye winyu.”

Matayo 6:7

“Kandi lwa musaala, mutavungiza amakuva manyingi ga vuzwa kuli avandu vizihiiri avatamanyi Nyasaye. Yavo vaganagana ndi Nyasaye alavahulira kigira amakuva gaavo amanyingi.

Vikolwa 19:26

Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba.

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

1 Petro 1:18

Mwamanya vulahi chatungwa kumuvoholora kutura mu limenya lia vuzwa, liatura ku vaguuga vinyu. Sichali kindu kinyala kwononywa kuli ifeza ni zahabu mba.