Jeremia 10:19 - KITABU KITAKATIFU

¹⁹ Avandu va Jerusalemi vanira, “Kunyi kusaliriziywi vululu ligali! Zingwago zietu sizinyala kohona mba. Kwaganagana ndi yiki nikindu chakunyala kwikuzira kucho!

Jeremia 10:19 Iomraidhean Croise

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Zaburi 77:10

Maku ndavoora, “Kindu kisalirizaa ligali kuvita viosi ni yiki: Nyasaye Wuvunyali siaveeye nizinguru kandi mba.”

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 8:21

Mwoyo gwange gulwaye, kigira avandu vange vakuzi; inzi siomaa kandi mbeeye mu lihenda mwoyo ligali.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Lisyoma lya Jeremia 3:48

Amaliga gidorokaa muzimoni zietu kigira vandu viitu vamali kudivizwa.

Mika 7:9

Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.