Jeremia 10:10 - KITABU KITAKATIFU

¹⁰ Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 10:10 Iomraidhean Croise

Litanga 21:33

Maku Aburahamu yasimika musaala gwu muvindi ha Beerisheba kandi nasigamira ho Yahova, Nyasaye uhindiraa mihiga ni mihiga.

1 Avami 18:39

Lwa vandu valora yaga, vaagwa hasi mamumama nivahuga nu mwoyo munene nivavoora, “Yahova aveeye Nyasaye; Yahova yeng'ine aveeye Nyasaye!”

1 Avami 8:60

kunangwa vandu vosi vilirova vaduuki kumanya ndi ivi Yahova wengine ovveye Nyasaye; kandi sihali nuwundi mba.

1 Kyetsinyinga 29:11

Ivi oveeye Munene kandi wi zinguru; wu vukumi, kandi wu vuguuti, wo kogenyia kandi wuvunyali. Ivindu viosi iviveeye mwigulu kandi mu lirova viveeye vivio, kandi ivi oveeye mwami oveeye igulu ligali ku vindu viosi.

2 Kyetsinyinga 15:3

Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

Ayubu 9:6

Nyasaye asungusaa lirova kutura mu vogono vwalio, kandi akolaa zitiru zialio zidegera.

Zaburi 10:16

Yahova aveeye Mwami mihiga ni mihiga, yavo avasigamiraa avanyasaye vandi, valatulizwa mu kivala chiche.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 100:5

Yahova Nyasaye aveeye mulahi; uvuyanzi vwivwe voveeye vwi mihiga ni mihiga, Kandi uvusuuvirifu vwivwe vuhindiraa mihiga ni mihiga.

Zaburi 104:32

Yahova ahenzaa ku lirova ma lidegera, kandi adiira ku vigulu ma vigulu vivuya umwochi,

Zaburi 114:7

Odegere O, ivi lirova, ku liza lia Yahova, odegere imbiri wa Nyasaye wa Yakobo,

Zaburi 145:13

Liamiiha liilio lihindira mihiga ni mihiga, kandi ivi oveeye mwami mihiga ni mihiga. Yahova aveeye musuuvirifu ku lisuuviriza lilie, kandi aveeye wi livererera mu vikolwa vivie viosi.

Zaburi 146:6

walomba ligulu, lirova kandi inyanza na viosi iviveeye mu. Adukizaa lisuuviriza lilie kazozo;

Zaburi 18:7

Maku lirova liosi liadegera na imise ji vigulu jadengeya. Kigira Nyasaye yaali nu vutima.

Zaburi 29:10

Yahova yamiha ku mazi gululiva, yamiha kuli mwami mihiga ni mihiga.

Zaburi 31:5

Inzi mbikaa livamwoyo liange mu makono googo O, Yahova; Ivi ulambonyia, ivi oveeye Nyasaye musuuvirifu.

Zaburi 42:2

Mbeeye nuvuluhu ku ivi, Nyasaye oveeye mwoyo. Nyara kuzia ng'inga ki mu Litembeli nukusigamira yo imbiri woovo?

Zaburi 68:11

Yahova yalaga, na avakali vanyingi valandiza makuva zana:

Zaburi 68:8

lirova liadegera kandi ligulu liasundura imbura; kigira ivi weng'ine O, Nyasaye wa Isiraeli, wivuula umwene ha kiguru cha Sinai.

Zaburi 74:12

Navuzwa ivi O, Nyasaye, oveeye mwami wiitu kutura kale; ivi wakola manyingi kokohonyia haali kanyingi.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Zaburi 76:8

Ivi walomba likalaga liilio limanyikane kutura mwigulu; vosi avamenyi ku lirova vaali nuvuti vonene kandi vachiring'ana ligali.

Zaburi 77:18

Mwoyo gugwo gwahulika kuli liatuluruka lie inguba, kandi lihemahema lioloheni liaka mu lirova liosi; lirova liatenga kandi ni lidegera.

Zaburi 84:2

Ngayirangwa ligali kuva mulio! O, nzegomba ligali kuva mu Litembeli liilio! Nyimbiraa Nyasaye oveeye mwoyo zinyimbu nu mwoyo gwange gwosi kigira uvusangari.

Zaburi 9:8

Yamiha lirova nu vulungi; akalagira zihiiri ziosi ni likalaga lirungi.

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Zaburi 90:2

Imbiri wu waali nukikiri kolomba vigulu, anoho nukiri kolomba lirova na viosi viveeye mu, waali Nyasaye uhindiraa mihiga ni mihiga, kandi ulava Nyasaye mihiga ni mihiga.

Zaburi 93:2

O, Yahova, endeve yooyo yu vwami yaasingirizwa vudinyu kutura mu litanga; kandi ivi waali ho kutura kale kuduuka mihiga ni mihiga.

Zaburi 97:4

Loheni lwilwe lwakizaa lirova liosi; lirova lilolaa ma lidegera.

Isaya 37:17

Kalunu, O, Yahova, ukuhuliri na ohenze ku agekolekaa ku kunyi. Huliriza ku vindu viosi via Senakeribu avoora okonyega ivi, Nyasaye oveeye mwoyo.

Isaya 37:4

Mwami wa Asiria utumi mwimiliri wa vatumikiri veve kuuza konyega Nyasaye oveeye mwoyo. Yahova Nyasaye woovo ahuliri manyego yaga ma ahaane mageri ku yavo avagamolomi. Kunangwa usaale ku Nyasaye kigira avandu viitu avatigara mwoyo.”

Isaya 40:15

Zihiiri ziosi ziveeye ku Yahova kuli ingelageliza ya mazi mu isiongo, kandi zivalizwa kuva kuli luguchi ku zigero. Ivisulu viosi vie inyanza viveeye kuye kuli muyeke.

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 23:36

Kunangwa vatazizagilira kutumikira amang'ana ‘uvuliduhu vwa Yahova,’ kigira niiva umundu woosi alatumikira, inzi ndakalombe likuva liange kuva uvuliduhu ligali kuye. Avandu vamali koleka amang'ana ga Nyasaye wavo, Nyasaye oveeye mwoyo, Yahova Wuvunyali.

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Jeremia 4:24

Ndahenza ku vigulu naviadegeraa, kandi vigulu viosi viazizaa imbiri ni inyima.

Jeremia 50:46

Lwa Babiloni iligwa, nalive liyoga iliaza likore kivala choosi kodegera, kandi mwoyo gwi lilira liavo gulakahuliriki hagati hi zihiiri.”

Jeremia 51:29

Kivala kedegeraa kandi chisungusikaa kigira Yahova adukizaa lilohiza lilie kokora Babiloni changalangwi, wu mundu avula komenya.

Danyeli 4:3

“Gaveeye go kogenyia Nyasaye kukumanyia! Vilolekizu! Vilolekizu viakolaa viveeye vie zinguru ligali! Nyasaye aveeye mwami mihiga ni mihiga; alakamiihi zing'inga ziosi.

Danyeli 4:34

Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Danyeli 6:27

Ahonyia kandi asolaa; akolaa go kogenya, kandi vilolekizu mwigulu nu ku lirova yahonyia Danieli kuvula kwitwa ni zisimba.”

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Mika 1:4

Vigulu vilayinguka isi weve kuli ihura eveeye mu muliru; vilasundulwa hasi musi mumavona kuli amazi gasundulwa kutura ku kiguru.

Nahum 1:5

Vigulu videgera imbiri wa Yahova; vigulu vikekeke vivunguluka imbiri weve. Lirova lidegera lwa Yahova alolekaa; kivala kandi avandu vamenyi mu vadegera.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Habakuk 3:10

Vigulu viadegera lwa viakolola; mazi gasunduka kutura mu vwerefu, mazi gafuuma isi wilirova, kandi viguvuli via go viazia igulu ligali.

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Malaki 3:2

Navuzwa nivwaha unyala kwikuzira kulindilira ku lidiku yilio lwaliza? Nivwaha ulakahononoke lwa aliloleka? Alakaze ni zinguru kuli Isavuni, kandi kuli muliru gwu kutura kivia.

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 26:63

Navuzwa Yeso yakiring'ana. Musaalisi Munene yamuvolera, “Ngwisuuhiza mu lieta lia Nyasaye oveeye mwoyo, okovolere niiva ivi niyie Mesia, Umwana wa Nyasaye.”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Kwidzulitsa 5:26

Ni mundu ki uwamanya alava mwoyo niyakamara kuhulira Nyasaye oveeye mwoyo namolomaa kutura hagati hu muliru, kuli kunyi?

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Vahebraina 10:31

Keveeye kindu chu kutihiza ligali kugwa mu makono ga Nyasaye oveeye mwoyo.

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Vakalagi 5:4

Yahova, lwa watura mu vigulu via Seiri, lwa waatura mu kivala cha Edomu, lirova liadegera, niimbura yakuba kutura mu vwerefu. Yee, mazi gasunduka kutura mumalesi.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.