Jeremia 1:18 - KITABU KITAKATIFU

¹⁸ Kalunu mali kukokola ove kuli lidaala lie imbinga enene, itiru yi kivia, lidigi liu mugasa usingili vudinyu nu kuhingira kivala choosi, avami vi Ivuyuda, avanene vacho, avasaalisi vacho, kandi na avandu vi kivala chene yiki choosi.

Jeremia 1:18 Iomraidhean Croise

Isaya 50:7

Navuzwa Yahova Nyasaye alangoonya kandi si ndaduuka mu zisoni mba. Kulwayago, ndasingira vudinyu nu vuluviliri, na si ndaduuka mu zisoni mba.

Jeremia 1:17

Wetegeke Jeremia, uzie na ovoolere avandu va Isiraeli goosi agaamali kukulaga kovora. Utavatia mba, gase ndakokola ove umuti imbiri wavo.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Jeremia 15:10

O, vayaayi kivi keveeye ku inzi! Kigira ki mama wange niyaanzivula nokondeta mukivala yiki? Gaduukanaa nembane nu kuhiing'ana na vuli mundu mu kivala. Inzi sindayegobiza anoho si ndayegoba ku mabesa ku mundu woosi mba; navuzwa vuli mundu alanamaa inzi.

Jeremia 15:20

Ndakokola ove kuli lidigi lie imbinga yu mugasa. Avasigu vovo valakulwaana, navuzwa sivalakuguuta mba. Inzi ndava harara na ivi kukukinga kandi ndakohonyia.

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 21:4

vavoolere Zedekia ndi Yahova, Nyasaye wa avandu va Isiraeli avoora, “Zedekia nziza kuguuta liihi liilio ililwanaa mwami wa Babiloni harara ni liihi lilie. Inzi ndavungiza viugi viavasikali vinyu hagati hilidaala.

Jeremia 26:24

Navuzwa kigira ndaali novokonyi kutura ku Ahikamu mwana wa Shafani, sindaviikwa ku vandu nukwitwa mba.

Jeremia 34:3

Si mulahononoka kutura kuye mba; navuzwa mulagumirwi manamuhirwi kuye. Mamumulore moni na moni kandi namulomome naye mwene; maku namuzie Babiloni.

Jeremia 37:7

mbolere Zedekia ndi, “Liihi liu mwami wa Egebeti liveeye nuvuha kokokonya, navuzwa lilirana yengo.

Jeremia 38:18

Navuzwa niiva si ulihaana mu zinguru zia vatumikiri vu mwami wa Babiloni, na yaho, lidaala linene yili lilahaanwa ku avandu va Babiloni, avaazaa valisambe nu kulidiviza, na ivi si ulahononoka kutura kuvo mba.”

Jeremia 38:2

aga Yahova yaali navooye, “Oyo amenyaa mu lidaala yili, aliitwa ni liihi, inzara anoho vulwaye. Navuzwa yavo avaazia kwihana ku avandu va Babiloni si valitwa mba. Valahononoka mu likuza na valava mwoyo.”

Jeremia 42:22

Kunangwa kalunu, mwizurizi yaga: Mulakuzira mu liihi anoho mulakuza kigira inzara anoho uvulwaye mukivala cha Egebeti uwamutovoye kuzia komenya.”

Jeremia 6:27

Jeremia, ogerizi avandu vange, kuli unyala kogeriza kivia, kandi wenyelerizi kuli vaveeye.

Yohana 1:42

Kunangwa yaleeta Simoni ku Yeso. Yeso yahenza Simoni navoora, “Ivi oveeye Simoni mwana wa Yohana. Kalunu ulalangwa Kefa.”

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.