Jeremia 1:16 - KITABU KITAKATIFU

¹⁶ Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 1:16 Iomraidhean Croise

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 28:2

Navuzwa yalonda liiva lia avami va Isiraeli. Kali yalomba vifananyi via Baali ivialongwa kutura ku Vivia,

2 Kyetsinyinga 34:25

Kigira vamali koleka inzi kandi vamali kuhaana visiuviliru ku avanyasaye vandi, na ndio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, kandi sivulasiminywa mba.

2 Kyetsinyinga 7:19

Navuzwa niiva ivi harara na vandu vovo mulavula kuhulira malago gange ga mali kumuha, kandi musigamiri avanyasaye vandi,

Isaya 2:8

Kivara chavo chizuuyi vifananyi vinyingi ligali, kandi vasigamira vifananyi via vamali kolomba na amakono gaavo aveene.

Isaya 37:19

kandi vamala kusaamba avanyasaye vaavo, avavura kuva avanyasaye kali hakuzu nitali ivifananyi vie misaala namagina, ivialombwa na makono gavandu.

Isaya 44:15

Mundu atumikiraa kedonye kilala chu musaala kuli iziingu na ekedonye kindi akitumikira ku lilomba kifananyi. Atumikiraa kedonye kilala kugwo kolomba muliru ukwota kandi kolomba migadi. Atumikiraa kedonye kindi okolomba umunyasaye, nukukisigamira.

Isaya 65:3

Vugira zisoni vazizagiliraa kongola kuva nu vutima. Vahanaa visiuviliru ku munyasaye wi milimi jiavo, kandi vasamba ivimuli vifunya umwayu ku vwali vwa vanyasaye.

Jeremia 10:15

Vaveeye vuzwa kandi gavadukiraa valeganywi; valakadivizwi lwa Yahova aliiza kuvaha mageri.

Jeremia 10:3

Idini ya avandu yava eveeye yavuzwa. Musaala gotemwa mumulitu; guvazaangwa niviugi viumuva,

Jeremia 11:12

Maku avandu vi Ivuyuda na avandu va Jerusalemi valazia ku avanyasaye vaavo, avavahaana ku visiuviliru kandi avavasigamiraa, nu kwanira kandi kwenya ovokonyi kutura kuvo. Navuzwa avanyasaye yavo si navavahonyie mu ing'inga yi Lidivizwa Liduka mba.

Jeremia 11:17

“Inzi Yahova Nyasaye Wuvunyali, ndaasimika avandu va Isiraeli kandi Ivuyuda kuli misaala, navuzwa kalunu ndavatiihiza ku lileta ikivi kuvo. Vamali kweletera yaga aveene, kigira vamali kokora vudamanu ligali; vamali kokora inze kuva nu vutima ku lihaana visiuviliru ku Baali.”

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 16:11

Kunangwa uvavoolere Yahova umali kovora, ‘Avaguuga vinyu vagirung'ana kutura ku inzi nivasigamira kandi nivatumikira avanyasaye vandi. Vandeka kandi sivatia nokolonda amigizu gange mba.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 19:4

Nziza kokora yaga kigira avandu vamali kondeka kandi vononyi havundu yaaha nukuhaana zisadaka zievisiuviliru ku vanyasaye vandi - Yavo aveene anaho avaguuga vaavo anoho avami vi Ivuyuda sivamanyi kindu kigira avanyasaye zana yavo mba. Vamali kwita vandu vatali nimbala havundu yaaha,

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 2:28

“Vaveeye haliha avanyasaye vamwelombera aveene? Leki vaze vamuhonyie ing'inga ya muveeye mu vudinyu. O, munyi avandu vi Ivuyuda, muveeye na avanyasaye avanyingi kuli amadara manene ga muveeye nago.

Jeremia 4:12

Imbuza yiza kulilaga lia Yahova ilakave iyinduuta kuvita yene yira! Ni Yahova mwene ulandizaa likalaga ku avandu veve.

Jeremia 4:28

Avandu valasioma; ligulu lilava kisundi. Yahova umali kovora kandi sialagirung'anyia zing'anagani zizie mba. Umali kolomba likalaga lilie kandi sialagirung'ana mba.

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Jeremia 5:29

“Navuzwa inzi Yahova, ndahaana amageri kuvo kigira vindu yivi; ndavanza kisaalia ku ihiiri yiyi.

Jeremia 5:9

Nyara kuvaha amageri kigira kokora vindu kuli yivi, kandi kuvanza kisaalia ku ihiiri kuli yiyi?

Jeremia 51:17

Muliiva kuli yili, avandu valoreka kuva avasiru kandi vugira limanyiriza; yavo avalomba vifananyi vaveeye mu zisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Jeremia 7:17

Ivi si ololaa agavakolaa mu madaala manene gi Ivuyuda kandi mu zinzira zia Jerusalemi?

Jeremia 7:18

Avana vatenya iziingu, na avasaza valomba umuliru na avakali vaduvula uvusie vaduuki kolombera munyasaye wi kikali migadi - ulangangwa ‘Mwami wi kikali wu mwigulu.’ Kandi vahaana vihaanwa vie iwaini ku avanyasaye vandi, kunangwa vaduuki kusinyikiza.

Jeremia 7:9

Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Ezekieli 16:18

Mwavugula zinguvu zienyu ziamangilinya ziandamuha nimuviika ku vifananyi, nimuhaana ku ivisiuviliru yivio maguta gange nivifunya mwayu gandaali nimuheye.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Hosea 11:2

Navuzwa lwa ndameda kumuvalanga, nilwo lwayazizagilira kutura ku inzi. Avandu vange vahaana visiuviliru ku Baali, kandi vasamba vifunya mwayu ku vifananyi.

Hosea 8:6

Umundu musiza wa Isiraeli yalomba kifananyi, kandi sikeveeye nyasaye kali hakuzu mba! Igiriki yi ifeza isigamirwa mu Samaria iravunanywa muvidonye!

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Vikolwa 7:41

Gaali mu madiku yago aga velombera kifananyi che kemoli, nivahaana kucho, visiuviliru nivasangalira kifananyi chaali cha makono gaavo aveene.

Kwidzulitsa 28:20

“Yahova alamuletera vilaamo, ovogoyanu kandi kivi mu viosi via mukoraa muluhi mudivi no kogota vwangu kigira ovudamanu vwa mumali kokora mu limuleka.

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Joshua 24:20

Nimumuleka kuzia kusigamira avanyasaye vageni, alamugirung'ana nukumuha amageri. Alamudiviza, kali ni yaali mulahi ku maziambiri.”

Likunula 9:20

Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda.