Jeremia 1:15 - KITABU KITAKATIFU

¹⁵ kigira ndalaga zihiiri ziosi kuza kutura Ivaale. Avami vaavo valalomba uvwami vwavo ha vwingiliru vwi virivwa via Jerusalemi, kandi ku zimbega ziosi zia amadigi, kandi ku zimbega ziosi zia amadara gi Ivuyuda.

Jeremia 1:15 Iomraidhean Croise

Isaya 22:7

Amavoona gi Ivuyuda agaali magunamu ligali, gizura amagari gu vulwani; Avasikari vaniina ku zibarasi vasingiri imbiri wi virivwa via Jerusalemi.

Jeremia 10:22

Huliri! Konyooye amakuva mageni! Umuliviti munene goveeyeho kutura mu ihiiri ya Ivaale; avamahi gayo valagirung'anyia amadara gi Ivuyuda kuva viangalangwe, havundu hi vivwi vimenyi.”

Jeremia 10:25

Viika uvutima vuvwo kuzihiiri zitasigamira ivi, kandi ku avandu vakusuura. Vamali kwita avandu vovo; vamali kukudiviza ligali nokoleka kivala chietu kugwa mang'anye.

Jeremia 13:20

Avandu va jerusalemi, heenzi! Avasigu vinyu vazaa kutura Ivaale! Vaveeye hayi avandu vaviikwa kumulinda, avandu va mwigingiliraa ku?

Jeremia 25:28

Niiva valasura kunwa iwaini yiyi kutura ku ivi, hene yaho uvavoolere ndi Yahova Wuvunyali umali kovora ndi kuduuka munwi iwaini yiyi.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 33:10

Yahova yavoola, “Avandu vavoola ndi havundu hano haveeye kuli ichangalangwi, kandi avandu anoho zinyama si zinyala komenya havundu yaaha mba. Yaga gaveeye malungi, amadara gi Ivuyuda kandi zinzira zia Jerusalemi ziveeye hazwa; avandu anoho zinyama si zimenyi havundu yaaha mba. Navuzwa havundu hene yaaha mulahulira kandi

Jeremia 34:1

Yahova yamoloma ku inzi lwu mwami Nebukadineza wa Babiloni ni liihi lilie, vakonyelera avasikari vi liihi kutura muvivala viosi nizihiiri ziali hasi hi liamiiha lilie vingilira Jerusalemi namadaala ga himbi.

Jeremia 34:22

Nambane lilaga, kandi navirane mu lidaala yili. Vaza vavingiliri, navaligumiri ma navalisambe numuliru. Nangore madaala gi Ivuyuda nagagwi kuli changalangwi havundu humundu atamenyi. Inzi, Yahova, mali kovora.”

Jeremia 39:3

Lwa lidaala linene lia Jerusalemi liagumirwa, vatumikiri vosi vu mwami wa Babiloni, harara na Nerigali Sharezeri, Samigari Nebo, Sarisekimu umurabisarisi na Nerigali Sharezeri umurabimagi vaza nivikara ha Kirivwa cha Hagati.

Jeremia 4:16

Vamali kuuza kwiganihiza izihiiri kandi kovoolera avandu va Jerusalemi ndi avasigu vazaa kutura mukivala chi ihale. Avasigu yava valahanzuka nu mwoyo mululu ku madaala gi Ivuyuda

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Jeremia 43:10

Maku uvavoolere ndi inzi, Yahova Wuvunyali, Nyasaye wa Isiraeli, nziza koleta mutumikiri wange mwami Nebukadineza wa Babiloni havundu yaaha. Alaviika uvwami vwivwe kumagina yaga agumali kuyavira, kandi alakunika lihema liu vwami kugo.

Jeremia 44:6

Kulwayago ndaviika uvutima vwange uvululu ku madaala goosi gi Ivuyuda kandi kuzinzira ziosi zia Jerusalemi, kandi nimbambiza muliru kugo. Amadara yaga gaatigala hazwa vugira mundu komenya mugo, kuduuka na Kalunu.

Jeremia 46:24

Avandu va Egebeti vaveeye muzisoni; vaguutiywi na avandu kutura Ivaale. Inzi, Yahova mali kovora.”

Jeremia 5:15

Avandu va Isiraeli, Yahova aletaa ihiiri kutura ihale kumwingilira. Eveeye ihiiri yizingulu kandi iyakale ligali, lulimi lwavo simulumanyi mba:

Jeremia 6:22

Yahova avoora, “Avandu vazaa kutura mukivala cha Ivaale; ihiiri enene eveeye yihale yetegekiza vulwaana.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Lisyoma lya Jeremia 5:11

Avakali viitu vamali kwononywilwa ku kiguru cha Ziyoni chene; mu vuli kadaala twi Ivuyuda avakaana viitu vamali kunigwa kuhaana miviri jaavo.

Ezekieli 32:30

“Virindwa via vamiihi va Ivaale harara na Sidoni viveeye uwene yeyo. Valeta litihiza mu kivala cha vaveeye mwoyo. Navuzwa kalunu vagona muzisoni harara niyavo aviitirwa mu vulwani, kandi harara na vandu vatali avasuuvirifu. Vosi vaveeye mu zisoni harara niyavo avaveeye mu kivala cha vakuzu.

Joeli 2:20

Ndatulizaho Zisigi zinyingi ziatula ivaale ndakunga zindala kuzio kuzia mu changalangwi. Zisigi iziezidaraja ziembiri zilakungwa kuzia mu inyanza yi jumbi, zidaraja ziazio zitahulirika ligali mu Meditareniani mba. Imiviri jiazio mikuzu jilafunya vugundu. Ndazidiviza kigira goosi agazimali kumukolera.

Zekaria 6:6

Zibarasi zimwamu ziang'usaa ligare ziaziza Ivaale wa Babiloni, zibarasi zindavu ziaziza Imadioli kandi zibarasi zio vodondonye ziaziza mukivala chi Isavaalu.