Jeremia 1:11 - KITABU KITAKATIFU

¹¹ Yahova yaandeva, “Jeremia, ni kindiki cha oloraa?” Ndavoora, “Ndolanga ulusia lwu musaala gwu mulozi.”

Jeremia 1:11 Iomraidhean Croise

Litanga 30:37

Yakobo yatema zisia kutura ku musaala gwumutaave, migusa kandi kutura kumusaala gwumuseverenze muvisi vuli kazozo. Yaakuvula ku magodo kandi nakora zisia ni ziva ni midindi imilavu.

Isaya 55:11

Likuva liange lia molomaa liveeye ndio kandi. Sililirana ku inzi iliere mba, navuzwa liradukiza ilienya liange. Lilagasizwa mu miyinzi ja ndalituma likore.

Jeremia 24:3

Maku Yahova yambolera, “Jeremia, kindiki cha ivi ololaa?” Ndaativura, “Ndolaa amakuyu amalahi ligali, kandi amakuyu amadamanu ligali agatanyala kulivwa.”

Ezekieli 12:25

Inzi Yahova ndakamolome kuvo, kandi agandivoola galakekoleke. Lilindagilira si lilakaveho kandi mba. Mulimenya lienyu, munyi mwibaara, ndakakole agaamali kumwiganihiza ndi ndakora. Inzi mali kovora,” Yahova Wuvunyali avoora.

Ezekieli 12:28

Kunangwa uvavoolere ndi, inzi, Yahova Wuvunyali mboraa: Lilindagilira si lilakaveho kandi mba. Aga inzi mali kovora galakekoleke. Inzi Yahova Wuvunyali mali kovora!”

Ezekieli 7:10

Lidiku lie kivi lizaa ku vandu va Isiraeli. Kirage kemedeki. Lielola liveeye linyingi ligali.

Amosi 7:8

Maku, Yahova yandeva, “Amosi, ni kindu ki chololaa?” Ndaativura, “Ndolaa mugoye gwi kibimiru.” Maku, Yahova yavoola, “Henza, ngitumikiraa kumanyia ndi avandu vange vaveeye kuli lidigi litaveeye lirungi, iliavedeka. Sindagirung'anyia zing'anagani ziange kandi kuvula kuvaha amageri.

Amosi 8:2

Yahova yandeva, “Amosi, ololaa ki?” Ndaamutivulira, “Ndolanga kihinda cha makuyu amengu.” Yahova yambolera, “Keheri kiduuki ku avandu vange Isiraeli. Sindagirung'anyia zing'anagani ziange ziu kuvaha amageri mba.

Zekaria 4:2

Yandeva “Olola kindiki?” Ndaamutivulira, “Kinaara chitaaya chalombwa kuzahabu; ibakuli ya maguta yaali kwigulu kwacho. Kwigulu kwi kinaara chitaaya yiki kwaliku ni zitaya 7. Vuli itaya yaali na havundu hi zindambi 7.

Zekaria 5:2

Engelosi yandeva chandalolaa. Ndavoora, “Ndolaa likaratasi lilingiywi niliburukaa mwigulu; liveeye zimita 9 uvutambi kandi zimita 4.5 vuvambalaru.”

Livalidza 17:8

Maku lidiku lia londaku lwa Musa yazia mu lihema, yalora imbimbu ya Haruni eveeye muvogono vwi ihiiri ya vandu va Levi yaali ne meri. Imbimbu yiyi yaali niyaavaye, nitulizi kimuli kandi niyaami amakuyu mengu!