Isaya 9:6 - KITABU KITAKATIFU

⁶ Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Isaya 9:6 Iomraidhean Croise

2 Samweli 7:13

Niyie ulinyumbakira Litembeli kandi ndalora ndi endeve yu vwami vwivwe ilazizagilira mihiga ni mihiga.

2 Samweli 7:16

Visukululwi vivio viliikala kondeve yu vwami kazozo, na ndakora uvwami vuvwo vuhindiri mihiga ni mihiga. Uvwami vuvwo sivulava nekeheri mba.’ ”

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

1 Avami 2:33

Amageri kigira liitwa liavo galagwira Joabu kandi ku kisukururwi chiche mihiga ni mihiga. Navuzwa Yahova alahaana uvuguuti kazozo ku kisukururwi cha Daudi, aviikalaa kondeve yu vwami vwivwe.”

1 Avami 2:45

Navuzwa alangasiza kandi alakola uvwami vwa Daudi vuhindira.”

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Zaburi 45:3

Weevohe kivavi chicho, mwami wizingulu. Ivi oveeye wuvukumi kandi wuluyali.

Zaburi 45:6

Uvwami vwa Nyasaye amali kuha ivi, vulahindira mihiga ni mihiga. Ivi wamihaa avandu vovo nilikalaga lirungi.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Zaburi 50:1

Yahova Nyasaye, Wuvunyali, amolomaa. Alangiliraa ku lirova liosi kutura Ivugwi kuduuka Imadioli.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 72:3

Leka kivala keve nu uvutugi, leka vigulu vileetere avandu uvulungi; utugulu twizuli uvulungi.

Zaburi 72:7

Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Zaburi 89:5

O, Yahova, viosi iviveeye mu ligulu viembaa lizominya lie vindu viokogenyia via okolaa, kandi zingelosi vovo vimba nu kwizominya uvusuuvirifu vuvwo, O, Yahova.

Tsing'ano 8:23

Ndaalombwa mulitanga, lwu kutanga ligali kivala kikikiri kolombwa.

Isaya 10:21

Vakekeeke ku vandu va Isiraeli valirana ku Nyasaye wavo wi zinguru.

Isaya 11:5

Alamiiha avandu veve nuvulungi kandi nu vusuuvirifu.

Isaya 16:5

Maku mulala ku visukululwi via Daudi alava mwami, kandi alamiiha avandu nu vusuuvirifu kandi nuvuyanzi. Alava mwangu kokora agaveeye malungi, kandi alalola ndi likalaga liuvulungi likoleywe.

Isaya 26:12

O, Yahova, ulakuha ligasizwa; vindu viosi viakonyoolaa viveeye miyinzi ja makono googo.

Isaya 26:3

Ivi, Yahova, uhaane mirembe midukiru ku yavo aviziganagani ziveeye zindukiru. Kandi vaviika lisuuvira liavo mu ivi.

Isaya 28:29

Ovogeri yivu vwosi vuturaa ku Yahova Wuvunyali. Ovolohizi vwa Nyasaye voveeye vwokogenyia kandi vogeri vwivwe voveeye vuduukiru ligali.

Isaya 32:1

Lidiku lilala alakaveho Mwami uliamiihi ni likalaga lirungi, kandi aviimiliri vizihiiri valakimiliri nu vulungi.

Isaya 37:32

Halava ho navandu mu Jerusalemi kandi ku kiguru cha Ziyoni avalitigala mwoyo, kigira Yahova Wuvunyali usaaviyi kokora ivindu yivi viekoleke.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Isaya 53:2

Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 53:5

Navuzwa yatumitwa kigira uvwoni vwitu. Yaasalirizwa kigira uvudamanu vwitu. Ku lihevwa mageri lilie, kunyi konyoole livamwoyo, ku likuywa lilie, kunyi kohoni.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 66:12

Yahova avoora, “Ndamuletera limedeka liu vutugi vunyingi litahera mba; uvutugi vwi zihiiri vwiutululuka ku munyi kuli mugera gutakamaa. Mulava kuli mwana mudoto olelangwa na mama weve, agingangwa mu maha, nukulindwa muvuyaanzi.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Jeremia 31:22

Munyi avandu vataveeye nilisuvira, mulavoyavoya kudura ing'inga ki? Inzi mali kolomba kindu kihia kandi keveeye lugano, keveeye lugano kuli mukali asoola umundu musaza.”

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Haggai 2:9

Litembeli lihia lilakave nu vukumi kuvita Litembeli likulu, kandi hene yaho ndakahaane ku vandu vange miandu kandi mirembe.” Yahova Wuvunyali umali kovora.

Matayo 1:1

Yiki ni kitabu cha makura gu luhia lwa Yeso Kristo. Yeso yaali uwi ikisukululwi cha Daudi, uwi ikisukululwi cha Aburahamu.

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Luka 2:11

Ku lidiku liene yili mu lidaala lia Daudi, Muhonyi winyu wivuliiywi naye ni Kristo Mwami.

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 1:16

Kuturana kuvudukiru vwi zimbavasi zizie, umali kukugasiza kwosi, naakohezaa ligasizwa kazozo.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

Varumi 9:5

vaveeye visukululwi via vaguuga Vaheburaina vamanyikana na Kristo kuli mundu aveeye wi ihiiri yaavo. Nyasaye wamihaa ku vandu vosi, yizominywi mihiga ni mihiga! Amini.

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 15:25

Kigira gadukanaa Kristo yaamihi kuduuka lwa Nyasaye aguutaa vasigu vosi nukuvaviika hasi hi virenge vivie.

2 Vakorintho 5:19

Agaveeye kovora ndi, Nyasaye yahambanyia vandu vumukivala kuye mu Kristo. Siavalizaa uvwoni vwavo kuvo kandi mba. Oyo yakuha Ivangeri yukuhambanyia avandu kuye.

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Vakolosai 2:3

Kristo niyie uvula ovogeri vwosi kandi limanya lia Nyasaye.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Vahebraina 1:8

Navuzwa ku Mwana, Nyasaye yavoola, ndi: “ O, Nyasaye, Uvwami vuvwo, vulahindira mihiga ni mihiga! Wamiihaa avandu vovo nu vulungi.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

Vakalagi 13:18

Engelosi wa Yahova yamuvolera, “Kigira ki oteeva kumanya lieta liange? Ni lieta liokogenyia.”