Isaya 9:3 - KITABU KITAKATIFU

³ Yahova ivi umali kuvaha uvusangari vonene ligali; uvakoli kuva nuvuyanzi. Vasangalira mu cha umali kokora; kuli avandu vasangala lwa vagesa vuswage vwavo, anoho lwa vagavulana vilaanye.

Isaya 9:3 Iomraidhean Croise

Nehemia 9:23

Ivi wavaha avana vanyingi kuli zing'ereng'ani mu vwerefu. Kandi noleka vaguute nokomenya mu kivala icha waali nuwasuuviriza avaguuga vaavo ndi ulavaha.

Ayubu 12:23

Nyasaye alombaa zihiiri kuva zie zinguru kandi zinene ligali, kandi azidiviza; avambalarizaa zihiiri kandi azituliza ho.

Zaburi 107:38

Yahova yagasiza avandu veve ni vameedeka mu livulana ligali; kandi mitugu jaavo jameedeka ligali.

Zaburi 119:162

Mbeeye nuvuyanzi vonene kigira lisuuviriza liilio mbeeye nuvuyanzi kuli mundu onyoora vindu viuvuguli vonene ligali.

Zaburi 4:7

Navuzwa uvusangari vwa ivi umali kumba vuviti ligali vwa yavo valiva navwo kali nivaveeye niinganu kandi niwaini.

Isaya 10:26

Inzi Yahova Wuvunyali, ndavakuya ni imbimbu yange kuli ndaakuya avandu va Midia ha lwanda lwa Orebu. Ndahaana amageri ku vandu va Siria kuli ndaakola ku vandu va Egebeti.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 14:5

Yahova umali koheriza zinguru zia avamihi vadamanu

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 26:15

O, Yahova, umali kuvirukiza ihiiri yitu; umali komeeda zinzako zie kivala chayo zimbega ziosi, na yaga gakoleeteye uluyali.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 35:2

Changarangwi kilimba nu kusangara; kilava kilahi kuli vigulu via Lebanoni, kandi kilava kigunamu kuli milimi ji vigulu via Karimeli na Sharoni. Vuli mundu alalola vukumi vwa Yahova, kandi alole zinguru novonene vwivwe.

Isaya 54:1

Wimbi nuvusangali, O, ivi Jerusalemi oveeye mugumba; ivi uwavula kwivura umwana. Uhanzuki nukwimba vudinyu kigira uvusangari, ivi uwavula kuva ku ni lilumwa liu kwivura. Mukali walekwa alava na vana vanyingi kuvita avana vu mukali oveeye numusaza.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 61:7

Zisoni zienyu ziduuki ku keheri. Munyi namumenye mukivala chiinyu aveene, kandi uvuhinda vwinyu vulamedeka; kandi mulava nu vusangali mihiga ni mihiga.

Isaya 65:14

Valimba nu vusangali mu mioyo jaavo, navuzwa munyi mulalira kigira uvuzunu mu mioyo jinyu.

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Isaya 66:10

Musangare harara na Jerusalemi, O, munyi avayaanzaa lidaala linene yili! Musangare harara nalio kalunu, musangare harara nalio kalunu O, munyi mwosi, avamali kulisiomera!

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Hosea 4:7

“Lwa munyi avasaalisi muveeye avanyingi, nilwo lwa mukolera inzi uvwoni vunyingi, kunagwa inzi ndakagirung'anyie luyali lwinyu kuva zisoni.

Kyavalevi 26:13

Inzi, Yahova Nyasaye winyu, ndamuleeta kutura Egebeti kunangwa muvuli kuzizagilira kuva vatugwa vaavo mba. Ndaavunanyia zinguru zia avasigu vienyu kandi nimuleka mugende no vovoholore.”

Zekaria 10:8

“Ndakalange vandu vange nukuvaviika harara. Ndakavasoole kandi valakave vanyingi ligali kuli valange kale.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Zekaria 8:23

Mu madiku yago, vasaza 10 kutura muvivala vigeni valakaze ku Muyuda mulala no kovora, ‘Kwenya komenye harara na vandu vovo, kigira kumali kuhulira ndi Nyasaye aveeye harara nimunyi.’ ”

Luka 11:22

Navuzwa mundu wundi oveeye ni zinguru kumuvita niyazaa kumwigilira nukumuguuta, amunyagaa ivmgi vivie viosi via asuuvilira mu, ma agavulanyia ivilaanye vivie.

Vikolwa 8:8

Maku vwali uvuyanzi vonene mu lidaala yilio.

Vafilipi 4:4

Mu sangale mu Mwami kazozo. Mboraa kandi musangare!

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

Vakalagi 5:3

Muhuliri munyi avamihi! Mutegize amatu munyi vimiliri! Inzi ndimbira Yahova zinyimbu zindahi; Inzi ndimbira Yahova ilizominywa, Nyasaye wa Isiraeli.

Vakalagi 7:22

Lwa vandu va Gidioni vaali nivakikuba ivisiriva, Yahova yakola vasigu vosi avaari mu hokososa nivatanga kulwaana aveene na vene ni vivavi viavo. Viiruka kuzia kolovega lwa Zarezani kuduuka Bezishita, kali kuduuka mu lidaala lia Abeli-mehola ahimbi Tabazi.

Vakalagi 8:12

Avami va vandu va Midiani vaviri, Zeba na Zalimuna, vamanya niviiluka, navuzwa Gidioni yavalonda navagumira, yaga galombaa iliihi lia vandu va Midiani kodegera.

1 Samweli 30:16

Kandi yimilira Daudi kuduuka kuvo. Avatuliri vaali nivasalani hoosi havundu hazana, nivalizaa, nukunwa vilulu, kandi kusangara mu vukinu kigira vilaanye vinene via vaali nivagumiyi kutura mu kivala cha vandu va Filisitia ni Ivuyuda.