Isaya 9:20 - KITABU KITAKATIFU

²⁰ Havundu hoosi mu kivala avandu vanuraa nukulia ichukulia choosi cha vanyara konyoora, navuzwa sivigutaa kali hakuzu mba. Kali valiza avana vaavo vene!

Isaya 9:20 Iomraidhean Croise

Kohelethu 4:5

Mundu musiru asuraa kuyinzira madaka chukulia, kandi akuza kigira inzara.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 14:30

Yahova alava umwami ku vandu veve vadaka, kandi alaleka vamenye mu mirembe, navuzwa alatuma inzara enene ku vandu va Filisitia, na vosi valakuza.

Isaya 3:1

Kalunu Yahova, Yahova Wuvunyali, aveeye ahimbi kutulizaho ivindu viosi kandi vandu vosi avahaana ovokonyi ku vandu va Jerusalemi ni Ivuyuda; Azizaa kutulizaho avandu vosi avahaanaa ovokonyi ku Jerusalemi kandi Ivuyuda. Alatulizaho viukulia viavo viosi kandi na amazi gaavo goosi,

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 51:19

Uvuvi yivu vwombi vukugwiliyi. Uvwoneku ni lidiviza, inzara ni liitwa nivwaha ukovelerera? Nivwaha okoleminya mwoyo?

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Isaya 8:22

anoho kohenza hasi, navuzwa si valalora kindu mba, nitali vudinyu, kisundi chi litihiza kenene ichavahirwa mu.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 19:9

Musigu alakakumbirizi lidaala nokogeriza kwita avandu valio. Likumbirizwa lirakave liukutihiza kali avandu mu lidaala yili valakalie aveene na vene kali navana vaavo.”

Lisyoma lya Jeremia 4:10

Avakali vi zimbavasi vadeeka vana vaavo aveene; ni vavalia kuli viukulia lwa vandu vange vadivizwa.

Mika 6:14

Mulalia, navuzwa si muliiguta mba, kalindio mulava nimukikiri ninzara. Mulatuliza ivindu ichova, navuzwa simulavihonyia mba, kandi kindu choosi cha muhonyi ndakidivizira mu vulwani.

Zekaria 11:9

Maku ndavolera chayo cha magondi, “Inzi si ndava mwayi winyu kandi mba. Yago agenyi kukuza, gakuzi, kandi yago agenyi kudivizwa, gadivizwi. Yago agatigala galiitana.”

Marko 3:24

Niiva uvwami vwi kivala vulavukana uvwene, uvwami yivwo si vunyala kusingira mba.