Isaya 9:19 - KITABU KITAKATIFU

¹⁹ Kigira Yahova Wuvunyali uvihiliriywi, lihaana mageri geege lisaamba kuli muliru mu kivala choosi kandi vudiviza avandu, na sihaveeye ho numundu overereraa amwavo weve mba.

Isaya 9:19 Iomraidhean Croise

Isaya 1:31

Kuli uluvuva luhambizwa muliru neesese, nindio kandi vasaza vi zinguru valadivizwa muvikolwa viavo vidamanu, na sihalava numulala unyala kugaya lidivizwa zana yilio mba.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 13:13

Kulwayago, ndakora ligulu kodegera, kandi ndasung'usa lirova kutura mu vogono vwalio ku lidiku lia inzi, Yahova Wuvunyali manyia uvutima vwange.

Isaya 13:18

Valiita avasoleri nu vuta na matimu gaavo. Si valavererera avana avadoto mba.

Isaya 13:9

Lidiku lia Yahova liveeye ahimbi, lidiku liu vutima vululu vwa Yahova. Lirova lilakolwa hazwa, kandi vuli mwoni omenyi mucho aladivizwa.

Isaya 24:6

Kunangwa Nyasaye umali kulandiza kilaamo ku lirova. Avandu valio vasalira kigira uvudamanu vwa mali kokora. Avamenyaa ku lirova vagehaa. Yee, avatigaye mwoyo ni vakekeeke vuzwa.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 3:5

Vuli mundu alakolera wache goosi aganyala. Avayaayi si valahaana luyali ku avakulundu vaavo mba, kandi avandu vataveeye nuvunyari si valahaana luyali ku avanene vaavo mba.

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 4:4

Yahova mu zinguru zizie, alakalagira kandi alatakasa ihiiri nukusamiiha mahiolo ga vandu va Jerusalemi kandi amasahi gataaza mu Jerusalemi.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Isaya 60:2

Zihiiri zindi zilakunikwa ni kisundi, navuzwa uvulavu vwa Yahova vulang'ereng'ana ku ivi; uvukumi vulang'ereng'ana ku ivi.

Isaya 8:22

anoho kohenza hasi, navuzwa si valalora kindu mba, nitali vudinyu, kisundi chi litihiza kenene ichavahirwa mu.

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Ezekieli 20:47

Ovolere avandu visavalu vahuliri aga inzi Yahova Wuvunyali mboraa: Henza! Ndahambiza muliru, kandi gulasamba nukudiviza vuli musaala muvisi kandi vuli musaala mwumu. Muliru yigu sigulakasiminywi mba, gulakalande kutura Isavaalu kuduuka Ivaale, na gulakasambe vuli mundu.

Ezekieli 9:5

Kandi ndaahulira Nyasaye navolera vandu vandi, “Mumulonde kuduuka mu lidaala linene, kandi mu mwiti. Mutaleki mundu kali mulala mba; kandi mutavererera mundu kali mulala mba.

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Joeli 2:3

Ziliizaa vitagwa kuli muliru. Imbiri wazio kivala keveeye kuli mulimi gwa Edeni, navuzwa inyima wazio keveeye ichangalangwi kigumba. Sikeveho kinyala kohononoka mba.

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Amosi 5:18

O, vayaayi, kivi keveeye ku munyi avegombaa liduka lie lidiku lia Yahova! Kigira ki mwenyanga lidiku lia Yahova? Lilakave lidiku lie kisundi vugira uvulavu ku munyi.

Obadia 1:18

Avandu va Yakobo valakave kuli muliru, avandu va Josefu valakave kuli olomemo. Valakadivizi avandu va Esau kuli muliru gusambaa luvuva. Avandu va Esau si valakahoneku kali mulala mba. Inzi Yahova mali kovora.

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Mika 7:6

Mu zing'inga yizi avayaayi valeganyia avababa vaavo nukuvakola kuva avasiru, avakaana vahing'ana na avamama vaavo; aviiha vahing'ana avanavizara vikikali vaavo. Avasigu vu mundu vaveeye avinyumba yeeye mwene.

Zekaria 11:6

Yahova yavoola, “Sindazizagilira kuva ni zimbavasi ku mundu woosi mu kivala mba. Ndaviika vandu vosi mu zinguru zia vamiihi vaavo. Avamihi yavo valaduvaga vandu vu mu kivala, kandi sindakakihonye kutura mu zinguru ziavo mba.”

Zekaria 11:9

Maku ndavolera chayo cha magondi, “Inzi si ndava mwayi winyu kandi mba. Yago agenyi kukuza, gakuzi, kandi yago agenyi kudivizwa, gadivizwi. Yago agatigala galiitana.”

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 27:45

Kutura zisa sita kuduuka zisa tisa zia mbasu, kisundi chakunika kivala choosi.

Vikolwa 2:20

liuva lilava kisundi, na umweli gulava mwakanyu kuli amasahi; lidiku linene liu vukumi vwa Nyasaye nilikikiri kuduuka.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.