Isaya 9:18 - KITABU KITAKATIFU

¹⁸ Uvudamanu vwa vandu vusamba kuli muliru gudivizaa visaka via mafa kandi nu lutavati. Vusamba kuli muliru gwu mumulitu uguvuyizaa igulu mwoki muliduhu.

Isaya 9:18 Iomraidhean Croise

1 Avami 16:21

Ing'inga yeyo, vandu va Isiraeli vaavukana mu vidieli viviri, valala kuvo venya vakole Tibini muyaayi wa Ginazi ave mwami, na vandi nivava mu liyaanzilira Omuri.

Zaburi 37:20

Navuzwa avachamu valakuza; avasigu va Yahova valatulaho kuli vimuli viumaa ma vitulaho, kandi kuli umwochi gu vuuya, magukama.

Zaburi 68:2

Kuli mwochi guhuzangwa ihale, nindio akungaa avasigu veve. Kuli ihura isalulukaa imbiri wu muliru, nindio avachamu vakuza imbiri wa Nyasaye.

Zaburi 83:14

Kuli muliru gusambaa umulitu, kandi kuli olomemo lwu muliru lusambaa ivigulu,

Isaya 1:31

Kuli uluvuva luhambizwa muliru neesese, nindio kandi vasaza vi zinguru valadivizwa muvikolwa viavo vidamanu, na sihalava numulala unyala kugaya lidivizwa zana yilio mba.

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 27:4

Simbeeye nu vutima ni kizabibu zana mba. Niiva amafwa ni vigunzanguva kingiliyi kizabibu! Inzi ndakalwaani navio nukuvisamba viosi.

Isaya 3:5

Vuli mundu alakolera wache goosi aganyala. Avayaayi si valahaana luyali ku avakulundu vaavo mba, kandi avandu vataveeye nuvunyari si valahaana luyali ku avanene vaavo mba.

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Isaya 33:12

Mulavunguluka kuli magina gasambwa kolomba ichoka, kandi kuli amafa gaatemwa nukusambwa kugwa ligoke.

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Hosea 13:3

Kulwayago, avandu yava valakama kuli malesi kandi kuli iliime likamaa mugambazuri. Valava kuli mukuzi gwi imbuza ihilaa kutura Koloze, kandi valava kuli umwochi guvitiraa mu muluhu.

Joeli 2:20

Ndatulizaho Zisigi zinyingi ziatula ivaale ndakunga zindala kuzio kuzia mu changalangwi. Zisigi iziezidaraja ziembiri zilakungwa kuzia mu inyanza yi jumbi, zidaraja ziazio zitahulirika ligali mu Meditareniani mba. Imiviri jiazio mikuzu jilafunya vugundu. Ndazidiviza kigira goosi agazimali kumukolera.

Joeli 2:3

Ziliizaa vitagwa kuli muliru. Imbiri wazio kivala keveeye kuli mulimi gwa Edeni, navuzwa inyima wazio keveeye ichangalangwi kigumba. Sikeveho kinyala kohononoka mba.

Amosi 7:4

Ndaali na malola gandi kutura ku Yahova Nyasaye Wanyala Viosi. Mu malola yago Nyasaye yetegekaa kuha avandu veve amageri nu muliru. Muliru zana gwakaminya inyanza enene isi wi lirova kandi nigutanga lisaamba kivala choosi.

Obadia 1:18

Avandu va Yakobo valakave kuli muliru, avandu va Josefu valakave kuli olomemo. Valakadivizi avandu va Esau kuli muliru gusambaa luvuva. Avandu va Esau si valakahoneku kali mulala mba. Inzi Yahova mali kovora.

Nahum 1:10

Valagoyanira hagati ha mafwa kuli avandu vaveeye vahambiku; valasambwa nu muliru kuli amavivi amuumu.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

Likunula 14:11

Umwoki gwu muliru gwi kivi ni lisalira liavo gulavuuya mihiga ni mihiga. Sihaveeye ni lisosa mbasu nu vudiku ku yavo avasigamiraa king'ang'a ni kifananyi chavo mba; kandi mundu woosi uvugilira chukumanyirwa chi lieta liayo.”