Isaya 9:17 - KITABU KITAKATIFU

¹⁷ Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Isaya 9:17 Iomraidhean Croise

Ayubu 15:34

Muganda gwa vandu vatasuuviraa Nyasaye valakuza vugira visukululwi, kandi muliru gulasamba zinyumba ziumbakwa ni viambeti.

Zaburi 109:12

Hatava ho nu mundu kali mulala umuvererera mba, anoho uvilukiza vavisandu mba.

Zaburi 147:10

Liyanzilira lilie siliveeye mu zibarasi ziezingulu, anoho lisangala lilie mu avasikari valuviliri.

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Isaya 10:2

Mukora ndio kunangwa muduuki kwigalira avadaka vavuli konyoora uvulungi vwavo, kandi vavuli konyoora likalaga liu vulungi. Nindio mukoraa muduuki kuvugura miandu ja vakunzakali na vavisandu.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 13:18

Valiita avasoleri nu vuta na matimu gaavo. Si valavererera avana avadoto mba.

Isaya 14:20

Ivi siulatevwa kuli avami vandi mba, kigira wayononyia kivala chicho kandi wayita avandu vovo umwene. Kisukururwi cha yavo avakolaa uvudamanu sivalizulizwa kandi mba!

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 3:8

Jerusalemi imali kudivizwa! Na Ivuyuda imali kugwa vindu viosi via vavoola kandi via vakoolaa vivihiliriza Yahova; na vanyega Nyasaye; havulavu.

Isaya 31:2

Yahova amanyi agaakolaa, kandi aletaa ikivi ku avadamanu. Adukizaa litihiza lilie kandi ahaanaa mageri ku vadamanu na yavo avakingaa vadamanu.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Isaya 33:11

Munyi mulomba lilohiza litanyala kokoonya kindu kandi vindu viosi via mukoraa viveeye via vuzwa. Mwika gwange goveeye kuli muliru ugwaza gumudivizi.

Isaya 33:12

Mulavunguluka kuli magina gasambwa kolomba ichoka, kandi kuli amafa gaatemwa nukusambwa kugwa ligoke.

Isaya 40:30

Kali avang'erere valava avadedekere, kandi avasoleri valaluha ligali.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 62:5

Nyasaye alasangalira munyi kuli muyaayi asangalira mwiha wa asereraa, kandi kuli mwiha asangalira muyaayi wa aselerangwa ku.

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:21

Avandu vi ihiiri ya Manase na avandu vi ihiiri ya Efuraimu vingilirana aveene naveene; kandi vombi harara, vatutilanga avandu vi Ivuyuda. Navuzwa ku yaga goosi, uvutima vwa Yahova sivoheraa mba. Akinyiiyi vuzwa mukono gwigwe ukuhaana mageri.

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Ezekieli 20:33

“Ligali kuli Inzi mbeeye Yahova Wuvunyali, mbeeye Nyasaye omenya. Mwiganihizaa ndi, Inzi ndamwamiiha mu vutima vwange kandi ni zinguru ziange ziosi.

Amosi 4:10

“Ndaatuma vulwaye vudamanu ku munyi, kuli iyandaatuma ku vandu va Egebeti. Ndiita vayaayi vasoleri vinyu mu vulwani, nukuvugula zibarasi zienyu. Ndaaleeta lifunya lidamanu mu amuulu ginyu navuzwa simwirana ku inzi mba.

Amosi 8:13

Ku lidiku liene yilio, kali vayaayi na vakana vagima valahi valagwa hasi nukukinda kigira vuluhu.

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 16:3

Mugambazuri, muvooraa, ‘Lero imbura enene ilakuba kigira ligulu ni iliakanyu na malesi mamwamu gimbula enene gaveeye ku.’ Munyala koporofeta ndi kuli kivala kizizaa kuva ulwa muheezaa mu vwerefu, navuzwa simunyala kuhaana ikivuni chi zing'inga ziene yizi mba!