Isaya 9:13 - KITABU KITAKATIFU

¹³ Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Isaya 9:13 Iomraidhean Croise

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

Ayubu 36:13

“Yavo avataveeye na Nyasaye mu mioyo jaavo, vazizagiliraa kuva nu vutima; Kandi kali lwa vahevangwa mageri, sivaniraa ovokonyi mba.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 19:15

Siaveeye ho mundu kali mulala mu Egebeti, mutugi anoho mudaka, wikivuni anoho utamanyikani unyala kuhaana vokonyi mba.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Isaya 7:20

“Lwa ing'inga yeyo iduuka, Yahova alatungaa muvegi wa masu kutura engereka wumugera gwa Efurate—naye ni umwami wa Asiria!—kandi alavega zinderu zienyu, liisu liu ku mitwi jinyu kandi liu ku miviri jinyu.

Jeremia 15:7

Mali kumusesa kuli amavululi muvuli amadara goosi mu kivala. Ndaamudiviza munyi avandu vange, kandi ndiita avana vinyu vosi, kigira si mwagirung'ana kutura kuzinzira zienyu zindamanu mba.

Jeremia 29:11

Inzi manyirizi ligali lilohiza liange ku munyi, lilohiza lie zing'anagani zindahi, zitaveeye zindamanu mba; lilohiza liu kuhaana ligasizwa kandi lisuuvirizwa mu ing'inga yizaa.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Ezekieli 22:24

Yavoola, “Mwana wu Mundu, ovolere avandu va Isiraeli ndi si vaveeye avatakatifu mba, kulwayago ndavaha mageri mu vutima vwange.

Ezekieli 24:13

Munyi avandu va Jerusalemi, vikolwa vienyu vidamanu vimali kumwonogonyia. Kali niiva ndaageriza kumukola muve avanifu, navuzwa simwenya kuva avanifu mba. Munyi simulava avanifu kandi mba, kuduuka lwa nambane amageri gange amalulu ku munyi.

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Hosea 7:10

Liegingira lia avandu va Isiraeli livalolekiza. Kali niiva ivindu viosi viamala kwekoleka, sivayirana ku inzi Yahova Nyasaye wavo anoho konyenya mba.

Hosea 7:16

Vagirung'ana kutura ku inzi nukuzia ku nyasaye utaveeye nizinguru. Vaveeye avandu vataveeye novokonyi kuli uvuta vwavedeka. Kigira aviimiliri vaavo vamoloma niliegingira valakakuzi likuza lilulu, kandi avandu va Egebeti valakavaseke.”

Amosi 4:10

“Ndaatuma vulwaye vudamanu ku munyi, kuli iyandaatuma ku vandu va Egebeti. Ndiita vayaayi vasoleri vinyu mu vulwani, nukuvugula zibarasi zienyu. Ndaaleeta lifunya lidamanu mu amuulu ginyu navuzwa simwirana ku inzi mba.

Amosi 4:6

Yahova avoora, “Inzi ndaleta inzara, mu madaala ginyu manene goosi, navuzwa munyi simwirana ku inzi mba.

Zefania 1:6

Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”

Kwidzulitsa 4:29

Uwene yeyo mulenyeleriza Yahova Nyasaye winyu, kandi niiva mulamwenyeleriza nu mwoyo gwinyu gwosi na roho gwinyu gwosi, mulamunyoola.