Isaya 8:7 - KITABU KITAKATIFU

⁷ Inzi Yahova, ndaleta mwami wa Asiria harara na mahi geege goosi kwingilira avandu vi lidaala linene lie Ivuyuda. Valavalwana ligali kuli amazi gumugera gwa Efurate gwizuye kuduuka ku lujinga.

Isaya 8:7 Iomraidhean Croise

Litanga 6:17

Inzi nziza kutuma imbura yi migelera ku lirova kudiviza kindu choosi kemenyi kulio. Vuli kindu ku lirova vilakakuzi,

2 Avami 19:32

“Kunangwa yaga nigo ga Yahova amali kovora ku mwami wa Asiria: ‘Si ulingira mu lidaala linene yili, kinga kulasa mbano gwu vuta kali mulala kulio. Avasikari vaveeye ni zinguva si valisunda ahimbi ni lidaala linene, kandi sivalakumbiriza nu kwumbaka vitumi via malova na magina mu zimbega zie lidaala linene yili.

Ezara 4:10

harara navandu vandi ava Ashuribanipali wizingulu kandi wuluyali yakunga kutura mu kivala chavo kandi naavamenyia mu madaala ga Samaria kandi havundu handi mu kivala Imadioli wa Efurate.”

Zaburi 46:4

Haveeye numugera ogoleetaa uvusangari mu lidaala linene lia Nyasaye, ku inyumba indakatifu ya Nyasaye oveeye igulu ligali.

Zaburi 72:8

Uvwami vwivwe vuladuuka kutura kunyanza kuduuka kunyanza, kutura ku mugera gwa Efurate kuduuka ku keheri chi lirova.

Isaya 10:16

Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 11:15

Yahova alakaminya amazi mu mukono gwi inyanza ya Egebeti, kandi alaleeta imbuza imbiu kukaminya mugera gwa Efurate. Alagwavukanyia mu togera saba, kunangwa avandu vaduuki kwambuka.

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 28:17

Likalaga lirungi lilava mugoye gwi kibimu chu musingi na uvusuuvirifu vulava kibimu chi kabiro yagwo.” Imbura yamagina ileeya ovovehi vwosi vwa musuuviraa mu na migelera gilononyia liekinga lienyu liosi.

Isaya 28:2

Yahova aveeye nu mundu mulala Wuvunyali kandi wizingulu wetegeki kuvingilira uyu uliizaa kuli imbura ya magina, kuli imbura yologelera, kuli kiihi cha mazi manene ganyagulaa vwangu vwangu, na alavazooma hasi nukuvaguuta.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 59:19

Sa mulala alatia lieta lia Yahova nizinguru zizie kutura Ivugwi kuduuka Imadioli, kandi alamanya uvukumi vwivwe kutura ing'inga yiliuva litongaa. Alaza kuli mugera gutulikaa nizinguru zinene ligali; ugwa imbuza kandi kuli ihuuzaa.

Isaya 7:17

“Yahova azizaa koleta ku ivi, ku vandu vovo, kandi ku vosi avinyumba yu vwami madiku gi kivi kidamanu ligali kuvita yago agamala kuduuka kutura uvwami vwa Isiraeli nivwavukanywa kutura ku Ivuyuda - azizaa koleta mwami wa Asiria.

Isaya 7:20

“Lwa ing'inga yeyo iduuka, Yahova alatungaa muvegi wa masu kutura engereka wumugera gwa Efurate—naye ni umwami wa Asiria!—kandi alavega zinderu zienyu, liisu liu ku mitwi jinyu kandi liu ku miviri jinyu.

Jeremia 47:2

Yavoola: “Henza! Mazi manyingi gaazaa kutura Ivaale kandi galanyagula kuli mugera gwizuuyi. Galakunika lirova niviosi viveeye mu, amadara na avandu vamenyi mugo. Avandu navaaniri ovokonyi; vuli mundu mukivala naaliri vululu.

Jeremia 51:42

Inyanza imali kusunduka mu Babiloni kandi igikuniki kuli iviguvuli vihuumaa.

Ezekieli 26:19

Yahova Wuvunyali avoora: “Ndakamukole hazwa kuli lidaala liveeye mang'anye wumundu atamenyi. Ndakamukuniki na mazi gu mululiva lwinyanza.

Danyeli 11:10

“Avayaayi vu mwami wa Siria valaketegekere uvulwani kandi valakavungizi avandu vi liihe vanyingi ligali. Mulala kuvo alakisundi imbiri ligali nu kwingilira zimbinga zia vasigu vaavo kuli migera ja mazi manyingi.

Danyeli 11:22

Amahi galakadivizwi no kwononywa imbiri weve, kandi vasaalisi va malago valakatulizwi ho.

Danyeli 9:26

Inyima wi ing'inga yiyi, mwimiliri mutovole wa Nyasaye alakitwi vugira likalaga lirungi. Lidaala kandi Litembeli vilakadivizwi, ni liihi lia vasigu vu mwamihi wi zinguru. Maku keheri kilakaduuki kuli amazi manene, kilakalete vulwani harara ni lidivizwa lia Nyasaye amali kolohiza.

Amosi 8:8

Na kulwayago, lirova liladegera, na vuli mundu omenyi mu kivala alava mu kivi. Kivala choosi kiladengeyizwa, na kilasinuka nukugwa kuli mugera gwa Naili.”

Amosi 9:5

Yahova Nyasaye Wuvunyali, adiira lirova ma lidegera; Yavo vosi avamenyi mu lio vasioma. Lirova liosi livuuka kandi ligwa kuli mugera gwa Naili.

Mika 1:9

Zingwago zia vandu vi lidaala linene lia Samaria sizilahona mba, kandi kivala cha vandu vi Ivuyuda keveeye ahimbi konyoora maduywa kuli ge lidaala linene lia Samaria; lidivizwa liduuki ku virivwa vie lidaala linene lia Jerusalemi liene, wa vandu vange vamenyi.”

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Mika 5:5

Gulakave murembe lwa avandu va Asiria valiza mu kivala chietu, kandi nukuvunanyia zimbinga zietu, kulatuma avanene saba kandi aviimiliri viitu vi zinguru ligali munane ukulwaana navo.

Nahum 1:8

Adivizaa vasigu veve ligali kuli adivizaa migera ja mazi manyingi. Adukizaa vasigu veve ku keheri; kandi alavalondelera kuduuka mu kisundi.

Luka 6:48

Uyu aveeye kuli mundu uwumbaka inyumba, naalima musi hasi ligali nukuguviika ku lwanda. Lwa amazi gumugera gizuraa nigakuba mduuta kunyumba yeyo, navuzwa siganyala kogedengeyiza mba, kigira yaali ni yumbakwa vudinyu.

Likunula 17:15

Engelosi yambolera, “Amazi ga walola, gu umukali liraya yikaye ku, gaveeye vivala, avandu, zihiiri kandi zinimi.