Isaya 8:22 - KITABU KITAKATIFU

²² anoho kohenza hasi, navuzwa si valalora kindu mba, nitali vudinyu, kisundi chi litihiza kenene ichavahirwa mu.

Isaya 8:22 Iomraidhean Croise

Ayubu 18:18

Alakungwa kutura mu kivala cha vandu avaveeye mwoyo, kandi alakungwa kutura mu vulavu nu kuzia mu kisundi.

Kutwula 10:21

Kunangwa Yahova yavolera Musa, “Ginga mukono gugwo mwigulu, ni kisundi kenene chu kutihiza kiduuki kukunika kivala choosi cha Egebeti.”

Kutwula 10:22

Musa yaginga mukono gwigwe mwigulu, na chaali ho kisundi kenene mu Egebeti mwosi ku lwa madiku gavaga.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Isaya 30:6

Yili ni Likuva lia Nyasaye ku zinyama zimenyi mu changarangwi chi Isavaalu kilangwa Negebu, “Avatumwa vagenda kuvitira mu vivara viveeye nu vuhimwa, wi Zisimba zimenyaa kandi wi Vihirigoma kandi Zinzoka ziburukaa ziuvusungu zimenyaa. Avatumwa yava vagingira uvutugi vwavo ku zibunda kandi zing'amia kuhilira ihiiri itaveeye novokonyi kuvo.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Isaya 50:3

Nyara kukunika iligulu ni kisundi kuli wiviki inguvu yi ligunia ing'inga yu kusioma.”

Isaya 59:9

Avandu vavoola, likalaga lirungi liveeye ihale ni kunyi; na uvulungi sivoveeye mu kunyi mba. Kwenyelerizaa konyoole uvulavu; navuzwa haveeye kisundi chele; kwenyelerizanga konyoole uvwaku kogenda mu navuzwa kisundi cheng'ine keveeye ho.

Isaya 60:2

Zihiiri zindi zilakunikwa ni kisundi, navuzwa uvulavu vwa Yahova vulang'ereng'ana ku ivi; uvukumi vulang'ereng'ana ku ivi.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Isaya 9:1

Sihalavaho ninzira yoosi ya yavo vahononoka kutura mu ing'inga yu vudinyu yiyi mba. Kivala chi zihiiri zia Zabuloni na Nafutali chaali ku ing'inga indala mu zisoni, navuzwa mu madiku gaaza alahaana uluyali ku losoma yilu, kutura ku inyanza ya Meditareniani lovega lwi Ivugwi kuduuka ku kivala keveeye lovega lundi lwa Jorodani kali kuduuka ku Galilaya kivala cha vandu vizihiiri vamenya.

Isaya 9:20

Havundu hoosi mu kivala avandu vanuraa nukulia ichukulia choosi cha vanyara konyoora, navuzwa sivigutaa kali hakuzu mba. Kali valiza avana vaavo vene!

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Jeremia 23:12

Zinzira ziavalondamu zilava zindelere kandi ziekisundi; inzi ndavakora vichigatiri kandi vagwi. Nziza koleta kivi kuvo; ing'inga yaavo yokohevwa amageri yiza. Inzi, Yahova mali kovora.

Matayo 22:13

Hene yaho mwami yavolera avatumikiri veve: ‘Muvohi amakono ni virenge, mu siuvi mu kisundi ichova. Uwene yeyo alalira nu kudiedieyiza amiinu.’ ”

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Matayo 8:12

Navuzwa avaadukana vave mu Vwami yivwo valateevwa ichova mu kisundi. Wa valilira ni vadedeiza amiinu gaavo.”

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Likunula 16:10

Engelosi ya katano yasundula ichaali ku bakuli yaho kondeve yu uvwami vwi king'ang'a. Kisundi chakunika uvwami vwivwe na avandu viluma zinimi ziavo kigira uvusaliri.