Isaya 8:18 - KITABU KITAKATIFU

¹⁸ Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Isaya 8:18 Iomraidhean Croise

Litanga 33:5

Lwa Esau yahenza muzimbega ziosi ma nalora avakali na vana, yateva, “Ni vandiki avaveeye navo yava?” Yakobo yativura, “Yava nivo avana va Nyasaye amali kuhaana ku mutumikiri woovo mu zimbavasi zizie.”

1 Kyetsinyinga 23:25

Daudi yavoola, “Yahova, Nyasaye wa Isiraeli umali kuhaana mirembe ku avandu veve, kandi umwene alamenya mu Jerusalemi mihiga ni mihiga.

Zaburi 22:30

Amakura gaazaa galamutumikira; gavalavolera amakura gaazaa amakuva ga Yahova.

Zaburi 71:7

Livamwoyo liange iveeye kelolero ku avanyingi; kigira ivi oveeye mukingi wange wizingulu.

Zaburi 9:11

Mwimbi zinyimbu ziu kwizominya Yahova, wamihaa mu Ziyoni! Mu volere zihiiri ziosi makuva gi vindu viosi viokogenyia viamali kokora.

Zaburi 9:12

Uyu uvanzaa kisaalia ku aviiti yizuliza yavo avadambizwa, ahaanaa mageri kuyavo avavadambizaa.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 20:3

Lwi lidaala linene lia Ashidodi liagumirwa, Yahova yavoola, “Mutumikiri wange Isaya yageendi ni chahonyo kandi ni virenge viere ku mihiga jivaga. Yiki ni kelolero ku agalikoleka ku vandu va Egebeti kandi Ezopia.

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Isaya 7:16

Imbiri wu mwana oyo akikiri kumanya lisuula uvudamanu nokotovola uvulahi, vivala via vami vaviri vadunyiraa ivi vilava mang'anye.

Isaya 7:3

Maku Yahova yavolera Isaya, “Vugula muyaayi woovo Shey Jashubu, na uzie kwagana nu mwami Ahazi. Ulamunyoola kunzira aha valombi vi zinguvu vayinzilira, hu mutaro goletaa amazi kutura mu lidavalia lie igulu guduukaa.

Isaya 8:3

Lwinyima, ndaali harara nu mukali wange muporofeti, na yavereka. Yivula mwana muyaayi. Maku Yahova yambolera, “Umuguriki lieta lilie ‘Maheri-shalali-hashibazi.’

Jeremia 44:29

Inzi Yahova, ndamanyia kelolekizu ku munyi ndi ndahaana amageri ku munyi havundu hano, kandi lilagana liange liokoleta lidiviza ku munyi lilava lia agiligali.

Ezekieli 12:6

Leka vakolole nuviika misigo jijo kumavega kandi nuzizaa ichova mu kisundi na mumoni mumwo nimukunikiywi, kunangwa uvuli kolola wa uzizaa. Aga okolaa galakave lieganihiza ku vandu va Isiraeli.”

Ezekieli 14:8

Ndahingira mundu uyu. Ndamukora ave kelolero cha maduywa. Ndamutuliza mu kivala cha vandu vange Isiraeli. Maku mulamanya ndi Inzi mbeeye Yahova.

Ezekieli 4:3

Uvuguli uluju lwi kivia kandi uluviiki love kuli lidigi hagati hoho ni lidaala linene. Ohenze lidaala linene live mu liiva liu kukumbirizwa kandi ulikumberize. Yiki kilava kelolero ku ihiiri ya Isiraeli.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Luka 2:18

Avandu vosi avagahuliraa vagenya ku amakuva ga avayi vavoola.

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Kwidzulitsa 28:46

Vilava kelolero kandi chokogenyia ku munyi ni visukululwi vienyu mihiga ni mihiga.

Vahebraina 10:33

Zing'inga zindala mwakolerwa uvudamanu kandi nimunyegwa imbiri wa vandu, na zing'inga zindi mwetegeka kuhambana harara na yavo avakolelwa kuli ndio.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.