Isaya 8:13 - KITABU KITAKATIFU

¹³ Wizulizi ndi, inzi Yahova Wuvunyali, mbeeye mutakatifu; inzi mbeeye wa ivi udukana kutia.

Isaya 8:13 Iomraidhean Croise

Litanga 31:53

Nyasaye wa Aburahamu, kandi Nyasaye wa Nahori alahaana likalaga lirungi hagati hiitu.” Maku Yakobo yisuha kulinda lilagana yili mu lieta lia Nyasaye wa baba weve Isaka yaasigamiraa.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Isaya 29:23

Lwa muloraa avana va ndimuha, hene yaho mulamanya ndi, Inzi mbeeye Nyasaye, Mutakatifu wa Isiraeli. Mulaamba luyali nukutia inzi ligali,

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Ezekieli 38:16

Ivi nuwingiliri avandu vange va Isiraeli kuli ikiihi kikuguta ku kivala. Lwi ing'inga iliduuka, ndakakutumi kwingilira kivala change, kunangwa umanyie zihiiri ndi, inzi mbeeye vwaha, nukumanyia vutakatifu vwange agandaza ngole kuvitira mu ivi.

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 22:32

Mutaleeta zisoni ku lieta liange litakatifu mba. Avandu vosi va Isiraeli kuduuka vamanye ndi inzi mbeeye Mutakatifu. Inzi mbeeye Yahova umutakasaa.

Malaki 2:5

“Mu lilagana liange navo, ndaavalaga livamwoyo lilahi kandi mirembe. Yaga nigo gandavaha, kunangwa vaduuki kuhaana luyali ku Inzi. Mu madiku gene yago, vahaana luyali ku inzi kandi ni vaatia Inzi.

Livalidza 27:14

kigira munyi vombi mwahing'ana na malago gange mwigendanyama lia Zini. Lwa vandu vosi vililira ku inzi ha Meriba, mwasuura kuvugilira zinguru ziange zindakatifu imbiri wavo.” Meriba ni kisinukiru cha mazi ha Kadeshi mwigendanyama lia Zini.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Varumi 4:20

Aburahamu si yahayahayiza lilagana lia Nyasaye kuvitira mu livula kusuuvira mba, navuzwa lisuuvira lilie liazizagilira kuva ni zinguru nu kukuminya Nyasaye.

Kwidzulitsa 14:23

Maku muzie havundu harara, aha Yahova Nyasaye winyu amali kotovola asigamirwi ho; kandi uwene yeyo imbiri weve, mulie izizaka ziu vuswage vwinyu, iwaini yinyu, na maguta ga muzeituni kandi iviukutanga kwivulwa vie zing'ombe na magondi. Mukore ndio kunangwa muduuki kwiga kuli munyala kuhaana luyali ku Yahova Nyasaye winyu kazozo.

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”

1 Samweli 11:7

Yavugula zing'ombe ziukulima ziviri, naazitemanyia mu vidonye kandi natuma vatumwa mu kivala choosi cha Isiraeli ni lieganihiza yili, “Ku vosi utalonda Saolo na Samweli mu vulwani zing'ombe ziukulima zizie zilakolerwa yaga.” Avandu va Isiraeli vaatia icha Yahova anyala kokora, kandi vosi, vugira mulala kutigala, vazaa harara.