Isaya 8:10 - KITABU KITAKATIFU

¹⁰ Mulohiza makuva ginyu harara, navuzwa si mulaguuta mba. Mumolome kuli munyala! Navuzwa goosi gaveeye agavuzwa, kigira Nyasaye aveeye harara ni kunyi.

Isaya 8:10 Iomraidhean Croise

Litanga 21:22

Ku ing'inga yeyo Abimeleki na Fikoli munene wi liihi vavoolera Aburahamu, “Nyasaye aveeye harara na ivi mu viosi via okolaa.

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

2 Samweli 17:23

Lwa Ahizofeli yalora ndi livoora lie zing'anagani zizie sizilondeywe mba, yanina ku ibarasi yeeye, nazia mu lidaala lilie liene. Inyima wokolohiza vindu vivie vulahi, yisunga umwene. Yateevwa mu kilindwa cha vandu avinyumba yeeye.

2 Samweli 17:4

Livoora yili lialoleka kuva kuli liveeye zing'anagani zindahi ku Abisolomu kandi na aviimiliri va Isiraeli vosi.

2 Avami 6:12

Mulala kuvo yativura navoora, “Siali ho nu mulala mba, Mwami wange! Muporofeti Elisha avolera mwami wa Isiraeli choosi cha ovola kali mumbisu mwe keng'oze chicho.”

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

Ayubu 5:12

Yononyia, lilohiza lia avagaadi, kunangwa vavuli kuduukiza agavasaavira kokora.

Zaburi 21:12

Alavalasa ni mivano juvuta kandi alavakola viiruki ligali.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:8

Hambi mulole icha Yahova amali kokora. Heenzi ku vindu viokogenyia via yakola ku lirova.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Isaya 14:27

Yahova Wuvunyali umali kotovola kuhaana amageri ku vandu va Asiria, na siaveeye ho mundu unyala kumugaya kokora yaga mba.

Isaya 28:18

Hene yaho, lilagana lia mumali kolomba nilikuza lilatulizwa ho, na livugilirizana lia mulombi ni kivala cha vakuzu lilatulizwa ho. Lwikivi kiduukaa, mulaguutwa ligali.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 43:5

Mutatia mba kigira inzi mbeeye harara nimunyi! “Ndaleta kisukururwi chienyu kutura Ivugwi kandi ndamuvungiza harara kutura Imadioli.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 8:8

Galakavitiri mu lidaala linene lie Ivuyuda; galizula ligali kali kukunika vindu viosi.” Nyasaye aveeye harara ni kunyi! Zimbaha zizie ziavambuka zilakinga kivala.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 42:11

Mutava nuvuti kigira mwami wa Babiloni mba. Inzi mbeeye harara na nimunyi, ndamusoola kandi ndamuhonyia kutura kuzinguru zizie.

Jeremia 46:28

Inzi nanzizi kumunyi kandi naamuhonyie. Inzi nandivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha amageri nambe nilikalaga lirungi. Inzi, Yahova mali kovora.”

Lisyoma lya Jeremia 3:37

Nivwaha unyala kulaga ma chekoleke niiva Yahova sialagi?

Joeli 3:9

“Uhaane lilandiza yili ku zihiiri: ‘Mwetegeke vulwani; mulange avasikari vinyu vuvulwani; muvungizi avasikari vinyu harara na mutange ologendo!

Haggai 1:13

Maku Hagai yahaana makuva ga Yahova ku vandu: “Inzi ndakave na munyi; yili ni lilagana liange.”

Livalidza 14:9

Mutahing'ana na Yahova mba, kandi mutatia vandu vamenyi mu kivala yiki mba. Kulavaguuta ligali. Yahova aveeye harara ni kunyi kandi amali kuguuta avanyasaye vaavo avavakingaa. Kunangwa mutatia mba.”

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.