Isaya 7:4 - KITABU KITAKATIFU

⁴ Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Isaya 7:4 Iomraidhean Croise

2 Avami 15:27

Mu muhiga gwa amusini na mbiri gwi liamiiha liu mwami Uzia wi Ivuyuda, Peka muyaayi wa Remalia yaatanga kwamiiha kuli mwami wa Isiraeli. Yamiha mu Samaria ku mihiga sirini.

2 Kyetsinyinga 20:17

Munyi si mulalwaana mu vulwani yivu mba, navuzwa musingiri mu vogono vwinyu, musingiri vudinyu, na mulalora liguuta lia Yahova ahaanaa. O, munyi avandu vi Ivuyuda na Jerusalemi, mutakuza mioyo jenyu mba, anoho mutatia, mugamba mutule kuzia ku valwaana, na Yahova alava harara na mwinye!’ ”

Isaya 10:24

Mwami munene Yahova Wuvunyali avooreraa avandu veve vamenyi mu Ziyoni ndi, “Mutatia kigira avandu va Asiria mba, kali niiva vamudambizaa kuli avandu va Egebeti vamudambizaa.

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Isaya 30:7

Vokonyi vwa avandu va Egebeti vahaana si vuveeye kindu mba. Kunangwa mali kugulika Egebeti ‘Goyoka ogonene gutaveeye ni isumu.’ ”

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 37:6

Isaya yavavolera, “Muvoolere mwami, ‘Yahova avoora: Utatia kigira makuva gawaahulira mba, aga vatumikiri vu mwami wa Asiria vamali kovora sianyala kukohonyia mba.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 7:1

Lwu mwami Ahazi, muyaayi wa Jozamu na umwisukulu wa Uzia, yaali niyamiha Ivuyuda, uvulwani vwatanga. Rezini, mwami wa Siria, na Peka muyaayi wa Remalia mwami wa Isiraeli, vingilira lidaala linene lia Jerusalemi, navuzwa sivanyala kuligumira mba.

Isaya 7:8

Kigira ki? Kigira Siria sieveeye ni zinguru kuvita Damasiko mba, lidaala linene liacho kandi Damasiko siliveeye nizinguru kuvita mwami Rezini mba. Mu mihiga 65 Isiraeli iladivizwa ligali na silasingira kuli ihiiri mba.

Isaya 7:9

Kivala cha Isiraeli sikeveeye ni zinguru kuvita Samaria, lidaala linene liacho mba, kandi Samaria siliveeye nizinguru kuvita mwami Peka mba. “Niiva ulavula kusuuvira, ulaguutwa.”

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Isaya 8:6

“Kigira avandu yava vamali kusura amazi kutura mu kisunikiru cha Shiloa, agitulukaa galaha, mioyo jiavo jakuza imbiri wu mwami Rezini nu mwami Peka,

Lisyoma lya Jeremia 3:26

Voveeye vulahi umundu kulindilira machiriri ovohonyi vwa Yahova.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Zekaria 3:2

Engelosi wa Yahova yavolera Setani, “Yahova akogondokele ive Setani! Yahova wayanza Jerusalemi akogondokele. Mundu uyu aveeye kuli imbimbu yavavugula kutura mu muliru.”

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 24:6

Mulahulira amahi nulusuma lwa amahi, navuzwa mutahenda mioyo mba kigira ivindu yivi vilaza, navuzwa ekeheri chene kikiri kuduuka.

Kwidzulitsa 20:3

navoora, ‘Avasaza va Isiraeli, muhuliri! Lidiku lia kalunu muziza muvulwani. Mutatia avasigu vinyu, anoho kukuza mioyo, anoho kodegera mba.

1 Samweli 17:32

Daudi yavolera Saolo, “Utaleka mundu ku vosi akuze mwoyo kigira Mufilisitia uyu mba; ndazia kulwaana naye.”