Isaya 7:20 - KITABU KITAKATIFU

²⁰ “Lwa ing'inga yeyo iduuka, Yahova alatungaa muvegi wa masu kutura engereka wumugera gwa Efurate—naye ni umwami wa Asiria!—kandi alavega zinderu zienyu, liisu liu ku mitwi jinyu kandi liu ku miviri jinyu.

Isaya 7:20 Iomraidhean Croise

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 10:15

Navuzwa Yahova avoora, “Imbaazi inyala kwevoora kuva enene ligali kuvita umundu ugitumikiraa? Musumeno gunyala kuva nilizominywa kuvita mundu ugutumikiraa? Imbimbu si inyala kuginga mundu mba, navuzwa mundu agingaa imbimbu.”

Isaya 11:15

Yahova alakaminya amazi mu mukono gwi inyanza ya Egebeti, kandi alaleeta imbuza imbiu kukaminya mugera gwa Efurate. Alagwavukanyia mu togera saba, kunangwa avandu vaduuki kwambuka.

Isaya 36:1

Mu muhiga gwa 14 gwi liamiiha lia Hezekia mwami wi Ivuyuda, Senakeribu, mwami wa Asiria, yingilira madaala manene gi zimbiga gi Ivuyuda kandi nagagumira goosi.

Isaya 8:7

Inzi Yahova, ndaleta mwami wa Asiria harara na mahi geege goosi kwingilira avandu vi lidaala linene lie Ivuyuda. Valavalwana ligali kuli amazi gumugera gwa Efurate gwizuye kuduuka ku lujinga.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Ezekieli 29:18

Yavoola, “Mwana wu Mundu, mwami Nebukadineza yaatanga kwingilira vandu va Tiro. Yakola avasikari veve kuginga misigo miliduhu kuduuka mitwi jaavo nijigwa iviole kandi mavega gaavo nigafuvuka, navuzwa Mwami anoho iliihi lilie si lilanyoola mitungu ku miyinzi jene yijo mba.

Ezekieli 29:20

Mali kuhaana kivala cha Egebeti kuli mitungu kigira liihi lilie liangolera miyinzi. Inzi, Yahova Wuvunyali mali kovora.