Isaya 7:2 - KITABU KITAKATIFU

² Lwi likuva liaduuka ku mwami wi Ivuyuda ndi, amahi ga Siria gaali ni gaveeye mu kivala cha Isiraeli, oyo harara na vandu veve vosi vatimukwa engolo nokodegera kuli misaala jihunguzwa nimbuuza.

Isaya 7:2 Iomraidhean Croise

2 Samweli 7:16

Visukululwi vivio viliikala kondeve yu vwami kazozo, na ndakora uvwami vuvwo vuhindiri mihiga ni mihiga. Uvwami vuvwo sivulava nekeheri mba.’ ”

1 Avami 11:32

Solomoni alatigala ni hiiri ndala kigira mutumikiri wange Daudi kandi kigira jerusalemi, lidaala lia mali kotovola kuva liange kutura mu kivala choosi cha Isiraeli.

1 Avami 12:16

Lwa vandu valora ndi mwami siaveeye unyala kuvahuliriza vahanzuka, “Koveeye na lisanga ki na Daudi! Sikoveeye ni miandu nu muyaayi wa Jese mba. Avasaza va Isiraeli, Yirani mu mahema ginyu! Linda inyumba yooyo ivi mwene, Daudi!” Kunangwa vandu va Isiraeli vosi viirana mu mahema gaavo.

1 Avami 13:2

Kolondekana ni lilaga lia Yahova, muporofeti zana oyo, yahanzuka kukalagira vwali navoora, “O, vwali! Vwali! Yaga nigo ga Yahova avoora, ‘Muyaayi alivulwa munyumba ya Daudi lieta lilie lilava Josia. Aliitira ku ivi vasaalisi vatumika ku vwali vwa vandu vasigamira misambwa kuli visiuviliru, kandi alasambira vigumba via vandu ku ivi.’ ”

2 Kyetsinyinga 25:10

Hene yaho, mwami yatuma avasaza va yaali navuguye ku mitungu kwirana yengo wavo. Kigira yaga, avasaza yava viirana yengo wavo nivaveeye nu vutima vululu ligali ku vandu vi Ivuyuda.

2 Kyetsinyinga 28:12

Vane ku vasaza vimiliri vu vwami vwa Ivaale, Azaria muyaayi wa Jehohanani, Berekaya muyaayi wa Meshilemozi, Jehizikia muyaayi wa Shalumu, na Amasa muyaayi wa Hadilai navo kandivaagaya kekolwa chi liihi liali nilikoli.

Zaburi 11:1

Inzi nzirukiraa mu Yahova kazozo, na gakaveeye ki munyi kombolera ndi, “Mbuluki kuli linyonyi nukuzia mu vigulu;

Tsing'ano 28:1

Avandu vachamu virukaa lwu mundu atavakunga, navuzwa vandu valungi vaveeye valuviliri kuli isimba.

Isaya 11:13

Uvwami vwa Isiraeli sivulakendekera uvwami vwi Ivuyuda kandi mba, kandi Ivuyuda silava musigu wa Isiraeli kandi mba.

Isaya 22:22

Ndakamuhe uvunyali hasi hu Mwami, kisukururwi chu mwami Daudi. Alakave ni zimbungu zie inyumba yu vwami vwa Daudi. Alava ni zimbungu zie inyumba yu vwami vwa Daudi; cha oyo amali kwigura mundu sianyala kuhana mba, kandi cha oyo amali kuhana, mundu sianyala kwigura mba.

Isaya 37:27

Avandu vamenya mu madaala manene yago, vaali vugira zinguru; vatihizwa nokohendizwa mwoyo. Vaali kuli vunyasi mu mulimi anoho kuli indiva ivirukaa kwigulu kwi inyumba lwimbuuza yu kudiviza kutura Ivugwi.

Isaya 37:35

Ndakinga kandi ndahonyia lidaala yili, kigira luyali lwange mwene kandi kigira lisuuviriza lia ndalomba ku mutumikiri wange Daudi.’ ”

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Isaya 7:13

Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Isaya 7:17

“Yahova azizaa koleta ku ivi, ku vandu vovo, kandi ku vosi avinyumba yu vwami madiku gi kivi kidamanu ligali kuvita yago agamala kuduuka kutura uvwami vwa Isiraeli nivwavukanywa kutura ku Ivuyuda - azizaa koleta mwami wa Asiria.

Isaya 7:5

Avandu va Siria harara na Isiraeli kandi nu mwami wavo valohizi kokolera ivi uvudamanu mu vuvwivisu.

Isaya 8:12

“Utahambana mulilohiza liuvwivisu lia vandu mba, kandi utatia vindu viavatizaa mba.

Isaya 9:9

Avandu vosi va Isiraeli, vuli mulala omenya mu lidaala linene lia Samaria, alamanya ndi Yahova umali kokora yaga. Kalunu vaveeye nilielora kandi niliegingira. Vavoola,

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Hosea 12:1

Vuli kindu cha avandu va Isiraeli vakoola kutura mugamba zuri kuduuka vudiku, keveeye icha vuzwa kandi ichilidiviza. Vugadi kandi vikolwa viekirage viameedeka muvo. Valomba malagano navandu va Asiria kandi vahiraa maguta gimizeituni mu Egebeti.”

Matayo 2:3

Lwu Mwami Herodi yahulira yaga, yaahenda mwoyo harara na avandu vosi va Jerusalemi.