Isaya 7:13 - KITABU KITAKATIFU

¹³ Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Isaya 7:13 Iomraidhean Croise

Litanga 30:15

Lea yativura, “Si gaduuki ndi ivi umali kuvugura musaza wange? Kalunu ogerizaa kuvugura makuyu guvuyaanzi gu muyaayi wange.” Raheli yavoola, “Niiva ulamba makuyu guvuyaanzi gumuyaayi woovo, ivi unyala kuva harara na Yakobo uvudiku vwakalunu.”

2 Kyetsinyinga 21:7

navuzwa Yahova siyenya kudiviza uvwami vwi inyumba ya Daudi, kigira yaali niyalomba lilagana na Daudi, kandi namusuuviriza ndi visukululwi veve valazizagilira kwamiiha mihiga ni mihiga.

Zaburi 45:5

Mivano juvuta vuvwo jiveeye miugi ligali; jitozaa mioyo ja vasigu vovo, zihiiri zigwizaa hasi hi virenge vivio.

Isaya 1:14

Mbihirirwa ni lilia lienyu liu Mweli Muhia kandi amadiku matakatifu gi lisosa; Gaveeye musigo muliduhu ku inzi kali nduhi ligali kugaginga.

Isaya 1:24

Kunangwa kalunu, muhuliri aga Yahova Wuvunyali, Nyasaye Wizingulu wa Isiraeli, avoora: “Ndavanza kisaalia ku munyi, avasigu vange, na simulangubiza kivi kandi mba.

Isaya 22:22

Ndakamuhe uvunyali hasi hu Mwami, kisukururwi chu mwami Daudi. Alakave ni zimbungu zie inyumba yu vwami vwa Daudi. Alava ni zimbungu zie inyumba yu vwami vwa Daudi; cha oyo amali kwigura mundu sianyala kuhana mba, kandi cha oyo amali kuhana, mundu sianyala kwigura mba.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 43:24

Simwangulira vimuli anoho kunzigutiza ni zitinya zie zinyama zienyu mba. Mu vogono yivwo mwandwika misigo miliduhu nuvwoni vwinyu; mwanduhiza ligali nuvudamanu vwa mwakoraa.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Isaya 7:12

Ahazi yativura, “Inzi sindateeva kelolero mba. Sindageriza Yahova mba.”

Isaya 7:2

Lwi likuva liaduuka ku mwami wi Ivuyuda ndi, amahi ga Siria gaali ni gaveeye mu kivala cha Isiraeli, oyo harara na vandu veve vosi vatimukwa engolo nokodegera kuli misaala jihunguzwa nimbuuza.

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Ezekieli 16:20

“Maku mwavugula avayaayi navakaana vinyu avamwanzivulira nimuvahaana vave kuli visiuviliru vie chukulia ku ivifananyi. Uvulaya vwinyu sivwaduukana mba?

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 34:18

Malala kugo galiiza vunyasi vulahi magasenasena mu vutigaye. Agandi ganweza mazi malahi magasena mu nukuduvura agatigaye.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Amosi 3:13

Muhuliri kalunu, ma mwiganihizi visukululwi via Yakobo.” Yahova Nyasaye Wanyala Viosi avoora.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Livalidza 16:13

Yivi wakutuliza mukivala cha malova magunamu mu Egebeti kukwitira hano mwigendanyama! Kalunu yivi wenya kukwamiha!

Livalidza 16:9

Muganaganaa ni kindu kekekeeke ku munyi Nyasaye wa Isiraeli Umali kumutovola kutura mu vandu vosi va Isiraeli, nu kumuleeta himbi kuye mwene kunangwa muduuki kokora miyinzi mu Lihema lilie, kandi kusingila imbiri wa vandu nu kuvatumikira?

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vahebraina 3:10

Kunangwa, ndaali nuvutima na vandu yavo nimbora, ‘Vibaara ku inzi, kazozo kandi sivenyaa kuhulira malago gange mba.’