Isaya 66:4 - KITABU KITAKATIFU

⁴ Kigira yaga, inzi kandi ndavaletera ikivi - ivindu yivio viavatizaa; kigira sihaaliho nu mulala uwahugira lwa ndavalanga anoho uwahuliriza lwa ndamoloma. Vaatovora kuvula kuhulira inzi nokokola uvudamanu.”

Isaya 66:4 Iomraidhean Croise

2 Avami 21:2

Manase yakola agaali madamanu imbiri wa Yahova, kuli likora lie kivihiri chi zihiiri zia Yahova yakunga kutura mu kivala cha vandu va Isiraeli.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

Zaburi 81:12

Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Tsing'ano 1:24

Inzi mali kulanga munyi kuza ku inzi, navuzwa si mwenya kuhulira mba. Mali kuhaana ku munyi mageri, navuzwa simuhuliyi mba.

Tsing'ano 10:24

Avandu valungi valanyora cha venya, navuzwa avandu vachamu valanyora cha vatizaa ligali.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 59:15

Agiligali sigaveeye ho mba kali ku vosi oleka likora uvudamanu yiviika umwene mu lidambizwa.” Yahova umali kolola yaga, kandi uvihiliriziywi konyoora ndi sihali ni likalaga lirungi mba.

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Isaya 65:3

Vugira zisoni vazizagiliraa kongola kuva nu vutima. Vahanaa visiuviliru ku munyasaye wi milimi jiavo, kandi vasamba ivimuli vifunya umwayu ku vwali vwa vanyasaye.

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Jeremia 35:17

Kunangwa kalunu, Inzi, Yahova Wuvunyali, Nyasaye wa Isiraeli, ndaleta ku munyi avandu vi Ivuyuda na Jerusalemi lidiviza liosi liandalaga. Ndakora yaga kigira simuhuliyi lwa molomi ku munyi, kandi simwali munyala kuhaana mativuli lwa ndaamulanga mba.”

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Jeremia 7:30

“Avandu vi Ivuyuda vamali kokora vindu vidamanu imbiri wange. Vamali kuviika vifananyi viavo via inzi ndasuura mu Litembeli liange kandi vamali kuliononyia.

Ezekieli 11:8

Munyi mutiizaa vivavi? Ndaleta vandu vamwingiliri ni vivavi.

Ezekieli 14:4

“Kalunu, molomaa kuvo na uvavoolere aga Inzi, Yahova Wuvunyali mboraa kuvo: Vuli mundu woosi ku vandu va Isiraeli umali kuviika mwoyo gwigwe ku vifananyi nokoleka vamwimiliri mu likora uvwoni, maku vaza koteeva zing'anagani kutura ku vaporofeti, valanyora mativuli kutura ku inzi; galava mativuli gi vifananyi vivie vinyingi viduukana vinyoole!

Ezekieli 20:25

“Maku ndaavaha lilago litaveeye lilahi kandi amalago gavula koleta livamwoyo.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

1 Samweli 8:19

Navuzwa vandu yavo vasuura kuhulira Samweli. Vavoola, “Awa! Kwenyaa umwami,