Isaya 66:19 - KITABU KITAKATIFU

¹⁹ kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Isaya 66:19 Iomraidhean Croise

Litanga 10:13

Visukululwi via Egebeti viali avandu va Lidia, Anami, Lehabu, Nafutu,

Litanga 10:2

Vayaayi va Jafeza vaali, Gomeri, Magogi, Madai, Javani, Tubali, Mesheki na Tirasi.

Litanga 10:22

Avayaayi va Shemu vaali, Elamu, Ashuri, Aripakishadi Ludi na Aramu.

Litanga 10:4

Visukululwi via Javani viali avandu va Elisha, Sipeini, Saipurasi na Rode.

Litanga 9:27

Vwakaveeye vulahi Nyasaye akole Jafeza komeedeka mu vuhinda! Vwakaveeye vulahi visukululwi vivie vimenye na vandu va Shemu.” Kanaani alakave mutugwa wa Jafeza.

1 Kyetsinyinga 1:11

Visukululwi via Egebeti valii avandu va Lidia, Anami, Lehabu, Nafutu

1 Kyetsinyinga 1:7

Visukululwi via Javani viali avandu va Elisha, Tarishishi, Kitimu na Rode.

1 Kyetsinyinga 16:24

Mulandizi uvukumi vwa Nyasaye ku zihiiri ziosi. Muvoore vikolwa vivie viokogenyia ku avandu vosi.

Zaburi 72:10

Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 18:3

Muhuliri, munyi avandu vamenyi ku lirova! Muhenze ku kelelero chebendera kiligingwa igulu ku vigulu! Muhulirizi lwi kisiriva kilikubwa!

Isaya 18:7

Ing'inga yiza lwa Yahova Wuvunyali alinyoora vihaanwa kutura ku vandu vi kivala yiki ichagavulanywa ni migera, kutura ku ihiiri eveeye indambi kandi yi ligodo lilahi, kandi avizingulu zinene ligali, avatiivwa mu kivala choosi. Vosi valaza ku kiguru cha Ziyoni, uwa Yahova Wuvunyali asigamirwa.

Isaya 2:16

Yahova alakakole zimeri ziosi zinene zia Tarishishi kandi ziveeye zindahi ligali kwiyina mu mazi.

Isaya 29:24

Avandu vasiru valiiga kumanyiriza, kandi yavo avililiraa kazozo valayaanza ukwigizwa.”

Isaya 42:12

Avandu vosi avamenyi mu visulu vimbi lwimbu lwu kwizominya kandi kuhaana uvukumi ku Yahova!

Isaya 42:4

Sialakuza mwoyo mba, navuzwa alaleeta likalaga lirungi ku lirova. Avandu vamenyi mu visulu valindilira lilaga lilie.”

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 49:1

Munyi zihiiri zimenyi mu visulu vie inyanza. Mumbulirizi, munyi avandu vamenyi ihale! Yahova yananga kandi nandovola kuva mutumikiri weve lwa ndaali ningikiri kwivulwa.

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Isaya 49:22

Mwami munene Yahova avooreraa avandu veve ndi: “Ndagingira avandu vi zihiiri mukono gwange, kandi ndagiinga ebendera yange igulu kuva kuli kelolekizu ku vandu vange, kandi mulaleeta avana vinyu avayaayi ni vagingiywi ku vilitu vienyu kandi avana vinyu vakaana nivagiingiywi ku mavega ginyu.

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 52:15

Kunangwa alagenyia zihiiri zinyingi; avami valakiring'ana niligenya; valalola aga vakikiri kololaku, kandi valamanyiriza aga vakikiri kumanya.”

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Isaya 62:10

Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Isaya 65:1

Yahova yavoola, “Inzi ndaali ninzetegeki kuhaana amativuli kulisaala lia vandu vange, navuzwa si vasaala ku inzi mba. Ndaali ninzetegeki yavokonyoora, navuzwa si vaageriza konyenya kali niiva ndaali ninzetegeki vuli kazozo kuhaana amativuli ku lisaala liavo ndi, ‘Inzi mbeeye hano, ndamukoonya.’

Jeremia 46:9

Laga zibarasi zizie kandi magare gu vulwani gagomagome! Tuma vasikari ichova: Vasaza kutura Ezopia na Libia ni vagingi zinguva, na vasaza avasiza vuvuta kutura Lidia.’ ”

Ezekieli 27:10

“Avasaza kutura Pasia, Lidia na Libia vaatumika kuli avasikari mu liihi lienyu. Vaasunga zingavo kandi zigudwa mu zinyumba zienyu ziu vulwani. Vaali avasaza vaamuletera luyali.

Ezekieli 27:13

Avandu va Javani, Tubali na Mesheki vaakora likiranyia ni munyi. Vaaguliza vandu kuli avahambe kandi viju viu mugasa mu likiranyia liavo.

Ezekieli 30:5

“Liihi lilakiiti avasikari avukutungwa kutura Ezopia, Lidia, Libia, Arebia, Kubu, kandi kali kutura mu vandu vange vene.”

Ezekieli 32:26

“Mesheki na Tubali vaveeyeyo kandi, virindwa viavo viakumberizwa ni virindwa via vasikari vaavo, vosi si vaveeye avasuuvirifu mba, kandi viitirwa mu vulwani. Valeta litihiza mu kivala cha vandu vaveeye mwoyo.

Ezekieli 39:1

Yahova Wuvunyali yavoola, “Mwana wu Mundu porofeta uvudamanu vwa Goga, mwamihi munene wi zihiiri zia Mesheki na Tubali. Umuvolere ndi, inzi mbeeye musigu weve.

Ezekieli 39:6

Ndahambiza muliru mu kivala cha Magogi kandi ku visulu viosi iviveeye ahimbi ninyanza, wa vandu vamenyi mu mirembe. Vuli mundu woosi alakamanye ndi, inzi mbeeye Yahova.

Danyeli 11:18

Inyima wa yaga, alakingiliri zihiiri ziveeye kundulu kwi inyanza nu kuguuta zinyingi kuzio. Navuzwa mwimiliri mugeni alakamuguuti nokuheliza vwigingiri vwivwe. Alakilanyili mwami wa Siria liegingira lilie.

Zefania 2:11

Yahova alakavatiihizi. Alakalombe avanyasaye vaavo vi kivala kuva kindu vuzwa, maku zihiiri ziosi zilakamusigamiri muvivala viavo.

Zefania 3:10

Kali avandu vange avasalanywa ihale kuli Ezopia, valakaleete vihaanwa kuinzi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Varumi 15:21

Kuli Mang'oda Matakatifu govoora, “Avandu vosi vavura kovolerwa amakuva geege, valalola; kandi yavo avakikiri kuhulira valamanyiriza.”

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;