Isaya 66:18 - KITABU KITAKATIFU

¹⁸ Inzi manyirizi zing'anagani ziavo, kandi miyinzi jaavo. Inzi nziza kuvungiza avandu vi zihiiri ziosi harara. Lwa navaze harara, valakalole likora lie zinguru ziange,

Isaya 66:18 Iomraidhean Croise

Ayubu 42:2

“Inzi manya ndi ivi, Yahova oveeye ni zinguru ligali, ivi unyala kokora vindu viosi viawenyaa.

Zaburi 139:2

Ivi umanya inzi kandi vindu viosi viangolaa; ivi umanyirizaa zing'anagani ziange ziosi kali noveeye ihale.

Zaburi 67:2

Kunangwa avandu vosi ku lirova vaduuki kumanya uvulariri vuvwo; kunangwa zihiiri ziosi ziduuki kumanya ndi oveeye nizinguru okohonyia.

Zaburi 72:11

Avami vosi valinama imbiri weve; zihiiri ziosi zilamutumikira.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 82:8

O, Nyasaye, hamba wamihi lirova; kigira zihiiri ziosi ziveeye zizio!

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Zaburi 94:11

Yahova amanya cha vaganagana; amanya kuli zing'anagani ziavo ziveeye zia vuzwa.

Zaburi 97:6

Vigulu vilandizaa vulungi vwivwe, kandi zihiiri ziosi zilolaa vukumi vwivwe.

Isaya 11:9

Ku Ziyoni, kiguru kitakatifu cha Nyasaye, sihalava nikindu chukusaliriza anoho kidamanu. Kivala kilizula limanya lia Yahova kuli zinyanza zizura amazi.

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Isaya 37:28

“Navuzwa inzi manyi vindu viosi kigira ivi; chokolaa kandi hoosi huzizaa. Inzi manyi kuli oveeye nu vutima vululu ligali ni inzi.

Isaya 40:5

Maku uvukumi vwa Yahova vulaloreka na vandu vosi valavolola. Yahova mwene umali kulaga yaga.”

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 55:8

Yahova avoora ndi: “Zing'anagani ziange siziveeye kuli zing'anagani zienyu mba, kandi zinzira ziange siziveeye kuli zinzira zienyu mba,

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Isaya 57:12

Muganaganaa ndi agamukolaa gaveeye malungi, navuzwa inzi ndalang'aminya ivikolwa vienyu, na ivifananyi vienyu sivilamukoonya mba.

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Isaya 66:10

Musangare harara na Jerusalemi, O, munyi avayaanzaa lidaala linene yili! Musangare harara nalio kalunu, musangare harara nalio kalunu O, munyi mwosi, avamali kulisiomera!

Jeremia 16:17

Inzi ndolaa vindu viosi viavakola. Sikeveeyeho ichaaviswa kutura ku inzi mba; ndolaa uvwoni vwavo.

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Ezekieli 38:10

Yaga nigo ga Yahova Wuvunyali avooreraa Goga: “Lwi ing'inga yeyo iliduuka, ulakatange kuganagana kolohiza vudamanu.

Ezekieli 39:21

Yahova yavoola, “Ndaleka zihiiri kolola uvukumi vwange hagati, kandi ndavamanyia likalaga liange lirungi kandi amageri gambana kuzio.

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

Amosi 5:12

Kigira inzi manyi kuli mahiolo ginyu gaveeye manyingi kandi manyi kuli uvwoni vwinyu voveeye vonene ligali. Munyi mudambiza avalungi nukuvugula viambeti; mwigaliranga avadaka vavuli konyoora likalaga lirungi liavo mu viyaalo.

Zekaria 14:16

Maku vosi avalihononoka kutura mu zihiiri zilikave ni zingiliye Jerusalemi, valakazie wene yeyo vuli muhiga kusigamira Yahova Wuvunyali kuli mwami. Valakave ni lisavo lia madiri.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 12:25

Yeso yamanya zing'anagani ziavo, navavoolera, “Uvwami vwosi uvwavukanaa uvwene, vwonekaa ma vugwa; si vunyala kusingira mba. Amadara goosi anoho zinyumba ziosi iziavukanaa nukulwana iziene zilagwa ligali.

Matayo 9:4

Navuzwa Yeso yamanya zing'anagani ziavo, navoora, “Kigira ki muganaganaa uvudamanu kuli ndio mumioyo jinyu?

Luka 5:22

Lwa Yeso yamanya zing'anagani ziavo yateeva, “Muganaganaa ki mu mioyo jinyu?

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 5:42

Navuzwa inzi manyi liiva lia muveeye nalio si muveeye nu vuyanzi ku Nyasaye mu mioyo jinyumba.

Varumi 16:26

Navuzwa kalunu agiligali yago galolekiziywi kuvitira mu Mang'oda ga vaporofeti, kandi mu Lilaga lia Nyasaye wi mihiga ni mihiga kunangwa, gamanyikane ku zihiiri ziosi, vosi vaduuki kusuuvira nu kutia.

1 Vakorintho 3:20

Mang'oda Matakatifu kandi gavoora, “Mwami yamanya ndi zing'anagani zia avovogeri ziveeye vuzwa.”

Kwidzulitsa 31:21

kandi maduywa gukutihiza manyingi ni kivi vilavagwira. Navuzwa ulwimbu yilu lulimbwa kandi lulava kelolero change kuvo. Kali kalunu, ningikiri kuvahila mu kivala cha ndavasuuviriza ndavaha, manyi icha vaganagana.”

Vahebraina 4:12

Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.