Isaya 66:16 - KITABU KITAKATIFU

¹⁶ Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Isaya 66:16 Iomraidhean Croise

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 27:1

Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Isaya 3:13

Yahova yikaye kondeve yeye yilikalaga; kandi yetegeki kukalagira avandu veve.

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 31:8

Avandu va Asiria si valitwa ni kivavi chu mundu mba, navuzwa valitirwa mu vulwani. Avandu va Asiria valiruka kutura mu vulwani, na avasoleri vaavo valagumirwa nokokorwa vatugwa.

Isaya 34:2

Yahova aveeye nu vutima ni zihiiri ziosi harara na mahi gaavo goosi. Umali kuvakalagira likuza.

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Jeremia 25:31

kandi mwoyo gwigwe gulahulirikira ku keheri chi lirova. Yahova aveeye ni liyaala ku zihiiri. Alakalagira avandu vosi, kandi aliita avandu vachamu vosi. Yahova amali kovora.’ ”

Jeremia 25:33

Ku lidiku yilio, miviri ja avandu va Yahova amali kwiita jirasalanywa kutura kolovega lulala lwi lirova kuduuka ku lovega lundi. Mundu kali mulala si alajisiomera, kinga si jilavugulwa nukuzia kuyavirwa mba. Miviri yiji jirakave kuli kitumi chi isiina kumalova.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Jeremia 46:15

Kigira ki nyasaye winyu wizingulu Apisi agwiyi? Yahova umali kumutuula!’

Ezekieli 28:18

Wakola vwoni vunyingi mu likiranyia liilio, kandi niwononyia vuli havundu hukusigamira misambwa. Kulwayago ndaaleeta muliru kusamba lidaala linene lidodoka. Yavo vosi vamuhenza kalunu vamulola kuva ligoke.

Ezekieli 38:17

Ivi niyie uwa ndaamoloma naye zing'inga ziavita lwa ndalandiza kuvitira mu vatumikiri vange, avaporofeti va Isiraeli, ndi mu madiku gaza ndakaleete mundu kwingilira vandu va Isiraeli.” Yahova Wuvunyali umali kovora.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

Amosi 7:4

Ndaali na malola gandi kutura ku Yahova Nyasaye Wanyala Viosi. Mu malola yago Nyasaye yetegekaa kuha avandu veve amageri nu muliru. Muliru zana gwakaminya inyanza enene isi wi lirova kandi nigutanga lisaamba kivala choosi.

Nahum 3:15

Kali mugerizi kuli munyala, mulasambwa kuduuka lwa mukuza, anaho mulitirwa mu vulwani. Muladivizwa kuli vitagwa viliviywi ni zisigi. Munyi mwameedeka kuli zisigi.

Nahum 3:3

Avasaza vi zibarasi ziu vulwani vingilira, vivavi na matimu vihemahemaa! Miviri javakuzu jivungi kuli kitumi, miviri minyingi ligali jitanyala kuvalizwa. Avandu vagenda ni vikigitara kujo!

Zekaria 14:5

Mulakiluki ni muvitiraa mulivoona yili liagavula kiguru mu vidonye viviri. Mulakiluki kuli vaguuga vinyu vaakora lwi kivala chadegera ing'inga yu mwami Uzia yamiha kivala chi Ivuyuda. Maku Yahova Nyasaye wange alakaze harara ni zingelosi veve vosi.