Isaya 66:15 - KITABU KITAKATIFU

¹⁵ Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Isaya 66:15 Iomraidhean Croise

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Zaburi 18:9

Yatandula ligulu ma niyiika hasi, na kisundi kenene chaali isi wi virenge vivie.

Zaburi 21:9

Alavadiviza kuli muliru gusambaa lwa alolekaa, Yahova alavamira vugara mu vutima vwivwe na umuliru gulavasamba.

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 68:17

Yahova yaazaa kutura ku kiguru cha Sinai kuduuka havundu hatakatifu, harara ni zielefu zizie zinyingi zia magare geege gizingulu.

Zaburi 97:3

Muliru gwimilaa imbiri weve, kandi gusambaa avasigu veve avamukumbirizaa.

Isaya 10:17

Nyasaye, uvulavu vwa vandu va Isiraeli, alava kuli umuliru. Nyasaye Mutakatifu wa Isiraeli alagwa olomemo, ulusaamba vindu viosi kali amafwa kandi zindavati mu lidiku lilala.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Isaya 31:9

Mwami wavo aliruka mu vuti vonene, na vatumikiri valatiihizwa nokoleka ibendera yaavo yu vulwani.” Yahova wukusigamirwa mu Jerusalemi, kandi wu muliru gwadukaa yo kigira visiuviliru - Yahova umali kovora.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 5:28

Mivano jaavo juvuta ni miugi ligali, nuvuta vwavo vwetegeki kulasa. Zimbagayu zie zibarasi ziavo ziveeye zindinyu kuli magina; virenge via magare gaavo gu vulwani vinyagulaa kuli kihuzuzi.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Jeremia 25:37

Vigo viavo vie mirembe vilatigala hazwa, kigira uvutima uvululu vwa Yahova.

Jeremia 4:13

Henza, musigu yaza kuli amalesi. Amagare geege gu vulwani gaveeye kuli imbuza yi kiihi, kandi zibarasi zizie zinyagura vwangu ukuvita izindizu. Kwagota! Kandi kwadiva!

Jeremia 4:3

Yahova avooreraa avandu vi Ivuyuda na Jerusalemi, “Mulimi imirimi jinyu ijikikiri kulimwa; mutamiiza uvuguza vwinyu mumafa mba.

Jeremia 46:15

Kigira ki nyasaye winyu wizingulu Apisi agwiyi? Yahova umali kumutuula!’

Ezekieli 38:17

Ivi niyie uwa ndaamoloma naye zing'inga ziavita lwa ndalandiza kuvitira mu vatumikiri vange, avaporofeti va Isiraeli, ndi mu madiku gaza ndakaleete mundu kwingilira vandu va Isiraeli.” Yahova Wuvunyali umali kovora.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Danyeli 7:10

mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Amosi 7:4

Ndaali na malola gandi kutura ku Yahova Nyasaye Wanyala Viosi. Mu malola yago Nyasaye yetegekaa kuha avandu veve amageri nu muliru. Muliru zana gwakaminya inyanza enene isi wi lirova kandi nigutanga lisaamba kivala choosi.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Habakuk 3:8

Yahova, ni migera jagira ivi nuuva nu vutima? Yaali inyanza yagira nuuva nu vutima vululu? Wagenda ku malesi; amalesi gi kihuzuzi gaali amagare googo, lwa waleeta liguuta ku vandu vovo.

Zekaria 6:1

Ndahenza kandi nindora magare gandi gu vulwani gane gaturaa hagati hivigulu viviri viu mugasa.

Matayo 22:7

Mwami oyo yavihilirwa, natuma avasikari veve nivadiviza aviiti yavo, nivasamba lidaala liavo.

Kwidzulitsa 28:20

“Yahova alamuletera vilaamo, ovogoyanu kandi kivi mu viosi via mukoraa muluhi mudivi no kogota vwangu kigira ovudamanu vwa mumali kokora mu limuleka.

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.