Isaya 66:14 - KITABU KITAKATIFU

¹⁴ Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Isaya 66:14 Iomraidhean Croise

Ezara 7:9

Yaatanga logendo kutura Babiloni ku lidiku liu kutanga ku mweli, kandi yaduuka mu Jerusalemi ku lidiku liu kutanga liu mweli gwa katano kigira Nyasaye yamukonya.

Ezara 8:18

Muzimbavasi zia Nyasaye vaatumira Sherebia umundu winyaliza, mundu wa Levi kutura mu ihiiri ya Mahili, kandi avana veve vayaayi 18 navamwavo veve vaza harara naye.

Ezara 8:22

Inzi ndakaveeye muzisoni okoteeva mwami akohe muganda gwavasikari vi liihi liuvulwani vakulindi kutura ku avasigu vosi ku ing'inga yologendo lwiitu; inzi ndaali nimuvoleeye ndi Nyasaye wiitu agasizaa vuli mundu usuviraa muye. Navuzwa ahaanaa mageri ku vosi avamwambakanaa.

Ezara 8:31

Ku lidiku lia komi na mbiri liu mweli gwukutanga kwa tula ha mugera gwa Ahava nikuzia Jerusalemi. Nyasaye wiitu yaali harara nikunyi kandi yakohonyia kutura ku vasigu viitu kandi kuyavo avakogoneka kunzira.

Zaburi 107:42

Avalungi vasangala lwa valora yaga, navuzwa avachamu vosi vachiring'anywaa machiriri.

Tsing'ano 17:22

Kuva nu vuyanzi kolomba mundu kuva nu vulamu. Kuduunya ing'inga yoosi ni likuza liagalaha.

Tsing'ano 3:8

Niiva ulakola ndio, lulava kuli ulunyasi lulahi olohonyia zingwagu kandi olososizaa uvuzunu vuvwo.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Isaya 30:27

Zinguru nu vukumi vwa Yahova vunyala kololeka kutura ihale. Muliru nu mwochi vimanya vutima vwivwe. Amulomaa na makuva geege gasambaa kuli muliru gudivizaa.

Isaya 33:20

Heenzi ku Ziyoni, lidaala linene ha kolombera masavo giitu agidiini. Heenzi ku Jerusalemi! Lidaala linene lio komenya mu, ni mirembe! Lilava kuli lihema ilitanyala kusundwa kali hakuzu, ilie vivambo vialio vitanyala kwifwa, kandi lie migoye jalio jinyala kukalika.

Isaya 34:2

Yahova aveeye nu vutima ni zihiiri ziosi harara na mahi gaavo goosi. Umali kuvakalagira likuza.

Isaya 35:2

Changarangwi kilimba nu kusangara; kilava kilahi kuli vigulu via Lebanoni, kandi kilava kigunamu kuli milimi ji vigulu via Karimeli na Sharoni. Vuli mundu alalola vukumi vwa Yahova, kandi alole zinguru novonene vwivwe.

Isaya 41:20

Avandu valakalole yaga kandi valakamanye ndi Inzi, Yahova, mali kokora yaga. Valakamanye ndi, Nyasaye Mutakatifu, wa Isiraeli okoli yaga kokoleka.”

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”

Yohana 16:22

Munyi kandi muveeye novovereri kalunu; navuzwa ndakavalole kandi, na munyi mulizula vusangali mu mioyo jinyu, nu vusangali vwinyu vwene yivwo sihaveeyeho numundu ulivutuliza ku munyi mba.

Vahebraina 10:27

Navuzwa litigaaye ni lilindilira nuvuti likalaga lia Nyasaye nu vululu vwu muliru gulidiviza yavo vosi avahing'anaa naye.