Isaya 66:1 - KITABU KITAKATIFU

¹ Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Isaya 66:1 Iomraidhean Croise

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

1 Kyetsinyinga 28:2

Mwami Daudi yasingira imbiri wavo navavoolera, “Munyi huliri icha nziza kumuvolera, avaamitu vange na avandu vange, mumbulirize. Ndeenya ukwumbakira Lisandugu lie Lilagana lia Yahova, Litembeli lie mihiga ni mihiga kandi live endeve yi virenge via Nyasaye witu. Mali kolomba lietegeka kuliumbaka kuhaana luyali kuye.

2 Kyetsinyinga 2:5

Saaviraa kwumbaka Litembeli linene ligali, Kigira Nyasaye wiitu aveeye munene ligali kuvita munyasaye wundi woosi.

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Zaburi 132:7

Kwavoola, “Gendi kuzie mu Litembeli lia Yahova; Gendi kusigame imbiri we endeve yeeye yu vwami.”

Zaburi 99:9

Mwizominyi Yahova, Nyasaye wiitu; mumusigamiri ha kiguru chiche kitakatifu! Yahova Nyasaye wiitu aveeye mutakatifu.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 60:13

“Misaala milahi ligali kutura mu mulitu gwa Lebanoni, midaragwa, mitimbao kandi miduguyu jilaletwa kutumikirwa kwumbaka uvuhia lidaala linene lia Jerusalemi, kolomba Litembeli liange kuva linifu, kandi kolomba lidaala liange kuva liu uvukumi.

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 12:6

Kunangwa, muvooleraa ndi munene kuvita Litembeli aveeye hano.

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”

Vikolwa 17:24

“Nyasaye uyu, Mulombi wi lirova ni vindu viosi viveeye mu, aveeye Mwami wi ligulu ni lirova; si amenyaa mu matemberi gumbakwa na avandu.