Isaya 65:7 - KITABU KITAKATIFU

⁷ Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Isaya 65:7 Iomraidhean Croise

1 Avami 22:43

Kuli baba weve Asa waali imbiri weve, yakola agaali malungi imbiri wa Yahova; navuzwa siyononyia havundu hoosi hukusigamira misambwa mba, na avandu zana yavo vazizagilira kuhaanira visiuviliru nukusambira ho vimuli.

1 Avami 22:44

Jehoshafati yalomba mirembe numwami wa Isiraeli.

2 Avami 12:3

Nitali, ha vundu hu kusigamira misambwa sihononywa mba na vandu vazizagilira kuhaanira ho ivisiuviliru kandi kusambira ho vimuli.

2 Avami 14:4

Navuzwa siyasambula havundu hu kusigamira misambwa, na avandu vazizagilira kuhaanira ho visiuviliru nu kusamba kimuli.

2 Avami 15:35

Navuzwa havundu hu kusigamira misambwa sihononywa mba. Avandu vazizagilira kuhaana visiuviliru nu kusaamba vimuli ahene yaho. Yaali Jozamu uwaakola zinguru kwumbaka kirivwa cha ivaale chi Litembeli lia Yahova.

2 Avami 16:4

Vuli havundu hu kusigamira misambwa, ku vigulu, kandi isi wi misaala mivisi ni ja matu manyingi, Ahazi yahaana visiuviliru kandi navuyiza vimuli.

2 Kyetsinyinga 21:11

Kuvita yaga, yumbaka havundu hukusigamira misambwa mu vigulu vie Ivuyuda, kandi niyimilira avandu vi Ivuyuda na Jerusalemi kokora uvwoni imbiri wa Yahova.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 22:14

Mwami munene, Yahova Wuvunyali mwene yamoloma ku inzi navoora, “Ligali avandu yava sivalasamifwa vudamanu vwavo lwa vakikiri mwoyo mba. Inzi Mwami munene Yahova Wuvunyali mali kovora.”

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Isaya 28:21

Yahova alakalwaane kuli yakola ha kiguru cha Perazimu kandi mu livona lia Gibeoni, kunangwa aduuki kokora icha yenya kokora - kali vikolwa vivie niviveeye viokogenyia. Alatwekiza miyinzi jijie jokogenyia.

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 30:14

Mulatanywa kuli inyingu yi lidohi, imali kuduvulanywa ligali, kali kedonye chi kijonjo si kinyala kololeka ikinyala kwanzala umulu anoho kudaha amazi mu kidaho mba.”

Isaya 57:12

Muganaganaa ndi agamukolaa gaveeye malungi, navuzwa inzi ndalang'aminya ivikolwa vienyu, na ivifananyi vienyu sivilamukoonya mba.

Isaya 57:7

Muzizaa ku vigulu vitambi ukuhaana visiuviliru nokokolera ku ovoheyi.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 65:6

“Inzi mali kotovola kuhaana amageri, kandi likalagirwa liavo limali kong'odwa. Si ndachiring'ana ku goosi agavamali kokora, navuzwa ndatunga kisaalia kuvo.

Isaya 66:4

Kigira yaga, inzi kandi ndavaletera ikivi - ivindu yivio viavatizaa; kigira sihaaliho nu mulala uwahugira lwa ndavalanga anoho uwahuliriza lwa ndamoloma. Vaatovora kuvula kuhulira inzi nokokola uvudamanu.”

Jeremia 13:25

Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 5:29

“Navuzwa inzi Yahova, ndahaana amageri kuvo kigira vindu yivi; ndavanza kisaalia ku ihiiri yiyi.

Jeremia 5:9

Nyara kuvaha amageri kigira kokora vindu kuli yivi, kandi kuvanza kisaalia ku ihiiri kuli yiyi?

Ezekieli 18:6

Mundu uyu siasigamiraa vifananyi via vandu va Isiraeli anoho kulia visiuviliru ku vigulu mba; anoho si yonogonyaa mukali wu mutende weve anoho kulia visiuviliru ku vigulu mba; anoho siagonaa nu mukali mu madiku geege gu mweli mba.

Danyeli 9:8

O, Yahova, kunyi kandi avami viitu, avayaayi va vami kandi avaguuga viitu, koveeye mu zisoni kigira kwakora uvwoni ku ivi.

Hosea 11:2

Navuzwa lwa ndameda kumuvalanga, nilwo lwayazizagilira kutura ku inzi. Avandu vange vahaana visiuviliru ku Baali, kandi vasamba vifunya mwayu ku vifananyi.

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Kyavalevi 26:39

Avakeekeke ku munyi vatigara mwoyo, mu kivala cha avasigu vinyu valadedekera kigira uvwoni vwinyu vene kandi kigira uvwoni vwa vaguuga vinyu.

Livalidza 32:14

Kandi kalunu mumali kuvugura vwiyangu vwa vababa vinyu, likula lihia lia vandu voni aveetegeki kwilanyia vutima vululu vwa Yahova ku vandu va Isiraeli kandi.

Luka 6:38

Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.”

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.