Isaya 64:6 - KITABU KITAKATIFU

⁶ Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Isaya 64:6 Iomraidhean Croise

2 Samweli 22:46

Vagotizanga uvuluviliri vwavo, ma vaza nivadegeranga kutura mu zimbinga ziavo.

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Ayubu 40:4

Henza, Inzi simbeeye kindu ligali mba; nyala kukutivulira ki? Sindageriza kovora kindu kindi choosi mba.

Zaburi 1:4

Navuzwa avadamanu sivaveeye ndio mba. Vaveeye kuli mukuuzi gwi imbuza ihilaa.

Zaburi 14:4

Yahova ateevaa, “Avandu yava vamanya? Avandu vakora uvudamanu yava, vaveeye vugira limanya? Vaveeye mwoyo kigira vanura avandu vange, kandi sivasaala kuinzi mba.”

Zaburi 51:5

Henza, Inzi mbeeye mudamanu kutura lidiku lia ndivulwa; inzi mbeeye mwoni kutura ing'inga ya ndaverekwa.

Isaya 1:28

Navuzwa Yahova aladuvulanyia mundu woosi okola uvwoni nukwibaala kuye. Aliita vuli mundu umuleka.

Isaya 1:30

Mulaniala kuli musaala, kuli mulimi gwu mundu atasamaa na mazi.

Isaya 43:22

Yahova avoora, “Navuzwa munyi avandu va Isiraeli mwaluhizwa ninzi; simwasigamira mba.

Isaya 46:12

“Mbulirizi munyi avandu vaveeye avahindagirizi, kandi avaveeye ihale kutura ku vohonyi.

Isaya 48:1

Munyi avandu va Isiraeli, avaveeye visukululwi kutura Ivuyuda, muhuliri yaga. Mwisuuha ku lieta lia Yahova kandi ni muvooraa ni minwa jinyu ndi, mulasigamira Nyasaye wa vandu va Isiraeli, navuzwa simwavoola agiligali mba.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Hosea 4:19

Valagingwa nu kuhilwa ihale kuli imbuza, kandi valava muzisoni kigira visiuviliru viavo virifananyi.

Hosea 7:7

“Mu uvutima vwavo vululu vita avanene vaavo. Vami vaavo vamali kwitwa, navuzwa siaveeye ho kali umundu mulala usaala ku inzi kigira ovokonyi mba.”

Kyavalevi 13:12

Niiva vulwaye vwo ovogere vulalaanda kandi vumale muviri gwosi kutura ku mutwi kuduuka ku virenge,

Zekaria 3:3

Joshua yaali nasingi imbiri wengelosi yaali ni yiviiki zinguvu ziafunya.

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.

Varumi 7:24

O, vaani! Inzi mbeeye umundu waadiva! Niwaha ulimbonyia kutura mu muviri gumbiraa mu likuza yigu?

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Likunula 7:13

Mulala ku vakulundu yandeva, “Ni vanga vwaha yava aviviikia ziganza izindavu, kandi vatura hayi?”