Isaya 64:4 - KITABU KITAKATIFU

⁴ Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Isaya 64:4 Iomraidhean Croise

Litanga 49:18

“Inzi nindiliraa ovohonyi vuvwo O, Yahova.

Ezara 9:7

Kutura mu madiku ga vaguuga viitu kuduuka lero, kunyi avandu vovo, kwakora uvwoni vonene ligali. Kigira uvwoni vwitu, kunyi harara na vami viitu kandi avasaalisi viitu kumali kuvikwa mu zinguru zia vami vi vivala vigeni. Kumali kwitwa, kunuurwa kandi kuhilwa ihale kuli avahambe. Kumali kuvikwa mu zisoni ligali kali kuduuka na lero.

Zaburi 103:18

Kandi ku yavo avagumira lilagana lilie, kandi avahulira amalago geege nu vusuuvirifu vwosi.

Zaburi 130:5

Nindiliraa nu mwoyo gwange gwosi nyoore ovokonyi kutura ku Yahova, kandi suuviraa mu likuva lilie.

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Zaburi 62:1

Nindiliraa Nyasaye nuvwikuziri ligali, yambonyie; ovohonyi vwange vutulaa kuye yeng'ine.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Isaya 59:12

“Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Isaya 66:8

Nivwaha wahulira ku kindu kuli yiki? Nivwaha walola ku vindu kuli yivi? Kivala kinyala kolombwa ku mu lidiku lilala? Ihiiri inyala kwivulwa ku ing'inga indala? Navuzwa lwa Ziyoni silalumwa ku ing'inga indambi nikikiri kwivura avana valio.

Danyeli 9:15

“O, Yahova Nyasaye wiitu wamanyia zinguru zizio lwa watuliza avandu vovo mu kivala cha Egebeti, kandi zinguru zizio zikizulizwa. Kwamala kokora uvwoni kandi kwamala kokora uvuchamu.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Danyeli 9:8

O, Yahova, kunyi kandi avami viitu, avayaayi va vami kandi avaguuga viitu, koveeye mu zisoni kigira kwakora uvwoni ku ivi.

Hosea 7:7

“Mu uvutima vwavo vululu vita avanene vaavo. Vami vaavo vamali kwitwa, navuzwa siaveeye ho kali umundu mulala usaala ku inzi kigira ovokonyi mba.”

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

1 Vakorintho 1:7

kunangwa muvuli kogehera kihanwa cha Roho lwa muva nimulindiliraa liloreka liu Mwami wiitu Yeso Kristo.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.