Isaya 64:3 - KITABU KITAKATIFU

³ Ing'inga yaali ho lwa wakola vindu viu kutihiza iviakwavula kuganangana ku, vigulu viadegera imbiri woovo.

Isaya 64:3 Iomraidhean Croise

2 Samweli 7:23

Sihaveeye ho ni ihiiri yindi ku lirova kuli Isiraeli, ya ivi wahonyia kutura mu vutugwa mu kivala cha Egebeti, ukuvalomba vave avandu vovo ivi mwene. Vindu vinene kandi viokogenyia via wavakolera vimali kulandiza ulusuma lulwo mu lirova liosi. Ivi wakunga zihiiri zindi na avanyasaye vaavo lwa avandu vovo vazizagilira kuvingilira nukulwana navo, avandu va ivi wavoholola kutura Egebeti kuva avoovo ivi mwene.

Zaburi 106:22

Nyasaye yakola vindu viokogenyia vinyingi mu Egebeti. Yakola vindu viukuhuga ha Inyanza Nzakanyu.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 66:5

Hambi mulole aga Nyasaye amali kokora, vikolwa vivie viveeye viokogenyia hagati ha avandu.

Zaburi 68:8

lirova liadegera kandi ligulu liasundura imbura; kigira ivi weng'ine O, Nyasaye wa Isiraeli, wivuula umwene ha kiguru cha Sinai.

Zaburi 76:12

Agehizaa vayaayi va avami vigingiraa, kandi atihizaa avami vanene ligali.

Kutwula 34:10

Yahova yavolera Musa, “Inzi kalunu nombaa lilagana na avandu va Isiraeli. Ndakora vindu vinene imbiri wavo vikikiri kokoleka ku havundu hoosi mu lirova hagati hi zihiiri mba. Avandu vosi valakalole vindu vinene via Inzi, Yahova, nyara kokora, kigira nziza kumukolera vindu viukutihiza.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 64:1

O, Yahova wakatanduyi ligulu ma wiki hasi ku lirova, kunangwa vigulu viakaadegeya imbiri woovo!

Habakuk 3:3

Nyasaye yaazaa kutura Edomu kandi; Nyasaye mutakatifu yaazaa kutura mu vigulu via Parani. Vukumi vwivwe voveeye mwigulu; kandi kivala keveeye ni lizominya lilie linyingi.

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

Kwidzulitsa 10:21

Mumwizominyi, aveeye Nyasaye winyu, niyie wamukolera vindu vinene kandi viokogenyia yivi viamumali kolola nizimoni zienyu munyi aveene.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.